網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月5日 星期三

[FACE 350] 唔順眼 挾阿田分黨派 薛凱琪孤立 Stephy Stephy,田蕊妮,阿田,薛凱琪,鄧麗欣,MF,




Stephy一身 deep V性感打扮出場,成功搶鏡梗係笑到四萬咁口,反而 Fiona就弱咗啲喎!

真面目

唔順眼 挾阿田分黨派 薛凱琪孤立 Stephy

黃柏高 Paco主理的「太陽娛樂」愈做愈大,許志安和昔日愛將鄧麗欣 Stephy加盟,發布會上, Stephy以 deep V性感登場,同薛凱琪 Fiona爭住做一姐。

Stephy重投 Paco懷抱, Paco自然錫到燶,仲勁揼資源開戲出唱片,把原本肥豬肉分薄,據聞彭浩翔新戲,女主角亦由 Fiona轉咗 Stephy。為求鞏固地位, Fiona黐實視後田蕊妮分黨派,正所謂「一山不能藏二虎」,睇嚟金牌經理人 Paco要諗計拆彈喇!

Fiona身為太陽娛樂「一姐」,代表公司致送金音符畀新加盟的許志安,不過同 Stephy就冇乜兩嘴囉!

11年, Stephy簽約北京經理人公司海潤影視,轉戰內地影壇市場。事隔 3年, Stephy約滿後回流香港,再次成為 Paco旗下藝人,發展荒廢已久的歌唱事業,剛巧與公司一姐 Fiona撞到正,兩女爭資源,必定掀起一番風波。

搶贏女主角

「 Stephy話曬係 Paco昔日愛將,𠵱家跟番 Paco,仲話要唱歌、做戲打孖上, Fiona梗係擔心公司資源會被分薄!好似以前拍戲、唱歌出碟, Paco都會以 Fiona行先,不過 Stephy嚟咗之後,聽講彭浩翔套新戲,已經改咗由 Stephy頂上, Fiona聽到後個心梗係唔多舒服。」消息人士說。

Fiona當初由華納過檔 Paco旗下太陽娛樂,就係睇中 Paco可以幫助自己在影壇大展拳腳。點知,突然殺出個程咬金, Stephy回流香港令如意算盤打爛, Fiona貴為「一姐」自然要諗計鞏固地位。

事隔 3年, Stephy由內地回流香港,再次成為 Paco旗下藝人。有 Paco呢個大靠山傍住, Stephy笑得特別燦爛!

上月 27日(週日),太陽娛樂舉行年度發布會,其間宣布新加盟的 Stephy、又做導演、演員的彭浩翔、曾國祥和梁烈唯等;而 Stephy被刻意安排由 Paco親自介紹出場,待遇明顯高過同級藝人。

鬥多助手

據知,「一姐」 Fiona未計公司同事,已有 2名私人助手, Stephy宣布加盟後, Fiona即企硬助手不能共享。

初來埗到嘅 Stephy在新公司孤立無助,加上 Fiona因與杜汶澤合作了多部電影、亦和杜太田蕊妮 friend咗,難得好姊妹阿田首度出碟,交由太陽娛樂發行,大家同門好辦事, Fiona即拉攏阿田結盟,再次上演餅碎年代分黨派局面, Stephy果然天生是非命。

本週一 Stephy在電話中回覆本刊:「同番 Paco合作真係好開心,仲見番好多金牌嘅舊同事!未來自己會主力拍電影,但都會計劃出碟。其實我同 Fiona係走唔同嘅路線!(接咗彭浩翔新戲?)𠵱家仲未落實。」而 Fiona就說︰「唔會爭,公司多啲人仲好。」

當日 Fiona全程黐實田蕊妮,兩人交情不淺, Fiona地位受到威脅,阿田當然同佢同一陣線啦!

Fiona四圍合照放上網,獨欠同 Stephy合照,雖然口講冇爭寵,但講都冇人信喇!網上圖片

盛傳以 4千萬轉會的許志安,當眾下跪向「師姐」 Fiona參拜,雖然只係講笑,不過 Fiona就睇落好 enjoy喎!

發布會之後即晚舉行公司春茗, Fiona四圍搵水吹兼集郵,「一哥」許志安自然係頭炮集郵目標。網上圖片

是非命

有女仔的地方自然多紛爭, Cookies由 9人到 4人,是非都未停過。例如 Stephy和 Theresa之間的不和,身為隊長的 Stephy更拉攏 Kary和 Miki齊齊杯葛 Theresa,昔日好姊妺關係破裂,恩怨至今仍未解決,二人繼續各行各路。

杯葛 Theresa

昔日四餅年代, Stephy和 Theresa反目成仇, Stephy、 Miki、 Kary玩小圈子集體杯葛 Theresa,兩人關係至今仍未修復。

娜姐取代

葉念琛主打愛情片種, Stephy和方力申更是禦用人選,由《獨家試愛》、《十分愛》到《我的最愛》一直沿用兩人為男女主角。

11年, Stephy和方力申轉戰內地市場,葉念琛在《婚前試愛》選角時已經轉用周秀娜和羅仲謙,不過票房差一大截。



鍾意就快D Share啦!