全城熱爆的娛樂八封新聞 & 時事趣聞 & 生活 + 趣聞
財爺每年推出新一年度財政預算案，煙民最關心，當然係煙價，今年每包煙酌量加四蚊，簡直皇恩浩蕩，功德無量。至於對唔食煙只抽雪茄，擺得入口隨隨便便過百蚊起嘅富貴煙民嚟講，加嗰十鬆蚊一支，更加毫無知覺。
早個禮拜，《壹》仔喺 Landmark間 Davidoff見到周凱旋，由一男一女店員左右夾住招呼，只見佢手鬱鬱再加九十度彎腰周圍篤，店員攞完一樣又一樣，仔細詳解。 都幾肯定，周凱旋係送禮，絕非自用，仲有，佢係大煙門外漢！換咗八珍，我會買 Cohiba或者 Montecristo囉！ 但係咁講， Davidoff都係五大古巴名牌之一，送人送禮，絕對得體。
周凱旋大駕光臨，一男一女店員，殷勤招呼。
咦咦，五張二嘅周凱旋，不但身形 keep得好，身體柔軟度亦好唔錯喎！
送防潮嘅雪茄盒俾食大煙嘅朋友做禮，比送雪茄穩陣，起碼唔會揀錯濃淡口味。
