[壹週刊 1253] 陳豪幫 Mo仔買飲衫 陳豪,M1,

老婆陳茵媺要留響屋企湊仔，陳豪一個出動去睇 BB衫，幫 Mo仔扮靚。

同你吟一吟

陳豪幫 Mo仔買飲衫

唔經唔覺，陳豪同陳茵媺嘅愛情結晶「 Mo仔」 Aiden已經過 100日大，上個禮拜六三八婦女節，陳豪出席護膚品牌活動，自爆幫囝囝搞百日宴，但唔係大搞嗰隻，搵個地方同屋企人食餐飯就算。

Mo仔家陣已經 14磅，陳豪話太太湊仔好辛苦，抱仔似舉啞鈴，為咗幫輕另一半，當日做完活動，陳豪揸車去太子大廈睇 BB衫，幫乖仔換季。

一去到，陳豪就行入由款式到用料都相當講究嘅 Nicholas& Bears，又同店員講要睇禮服套裝，明顯係為 Mo仔百日宴搵飲衫。

BB衫，始終女仔花樣比較多，陳豪望兩望，見唔啱心水就走人。又係嘅，話曬係 Mo仔首件人生大事，梗係唔可以是是但但

行咗個圈都搵唔到，陳豪索性叫店員帶佢去睇 BB禮服，但埋到去，又唔多啱佢心水。

Nicholas& Bears嘅 BB衫設計走歐洲風格，套裝連飾物配件，千千聲埋單。

陳豪同諸葛紫岐一齊出活動，兩個人嘅囝囝都夠鐘搞百日宴，陳生陳太決定同家人低調食餐飯慶祝，但向來高調嘅諸葛紫岐，就話要幫囝囝「冰岐麟」擺廿幾圍。

鍾意就快D Share啦！

下一篇 》