全城熱爆的娛樂八封新聞 & 時事趣聞 & 生活 + 趣聞
雖然同胞鍾意嚟香港自由行，但早排羅嘉良老婆蘇岩，就響微博發表咗一篇「萬萬不願留在香港」嘅言論，又話好多謝老公，願意離開自己長大嘅地方，同佢一齊返大陸生活。
老公識做，蘇岩有時都會讓嚇步。早排《壹》仔就撞見佢陪羅嘉良返香港，兩公婆手拖手行中環太子大廈，手上仲攞住袋啱啱買嘅 BB用品。 老婆唔 like H.K.，行行嚇仲要撞見《壹》仔，羅嘉良更加老實唔客氣：「你邊間㗎？（壹週刊）咁就唔慌寫好嘢！」蘇岩聽到即刻冧笑！羅嘉良氹老婆屈八珍食死貓，大陸乜都可以白變黑，長期內地生活，難免潛移默化，唉！
羅嘉良離遠已經向《壹》仔「查牌」，出力護妻，身邊蘇岩笑得勁冧。
蘇岩話自己唔鍾意留響香港，所以公開多謝老公羅嘉良願意陪佢返大陸一齊生活。
羅嘉良拍劇搵錢，老婆蘇岩做全職家庭主婦，照顧囡囡 Sela。
