4/3
去 Ikea掃家品，關詠荷紮起馬尾睇真啲，身上條頸巾同手袋，同早幾日同囡囡去中環，都一樣。
同你吟一吟
關詠荷大頸巾遮肚
張家輝近幾年愈撈愈掂，片酬加到過千萬之餘，投資磚頭又次次有斬獲，老公財源滾滾，關詠荷唔使愁，專心持家。上星期二（三月四日）， high tea時間，《壹》仔喺銅鑼灣 IKEA，見到出街可以零妝但一定長頸巾跟身嘅關詠荷，推住購物車，杯杯碟碟櫈仔乜都買啲，一個人，磨咗一個鐘，掃滿一大車家品。
Brittany出世之後，關詠荷先後返無綫拍過《同事三分親》、《五味人生》同《情逆三世緣》，平均三年先接一個劇，其間有唔少內地劇敲門，但佢多多錢都唔考慮，離境免問。
對已經八歲大嘅寶貝女，張家輝亦同樣緊張，為咗囡囡讀書，西貢搬貝沙灣再搬跑馬地，二五仲話佢最近為咗個女，揼咗大嚿錢落鹹水海。事緣大陸紅爆節目《爸爸去哪兒》打張家輝主意，想佢帶個女參加節目，出 trip八次，每次三至四日，成交嘅話，二千萬人仔落袋。
百分百快錢，最緊要係有助提升內地人氣，不過，唔想囡囡拋頭露面嘅張家輝，諗都唔諗，推咗！
|
鍾意就快D Share啦！
|
|
|