Baby揸生日林寶出街，已除了「 P牌」，而她的好友形象指導馬天佑，有幸成為首名乘客。
探熱針
林寶 Baby 過料吳千語箍林峯
有國產一線有米小生黃曉明做男友， Angelababy（楊穎）收完千萬豪宅，上月底再收三手林寶堅尼做生日禮物。同人唔同命，就算吳千語落重「 BB降」，有富貴林峯全面照顧衣、食、住、行，偏偏無車又無樓揸手。
箍仔秘技不如人，千語 BB於是請林寶 Baby到半島開餐，向對方攞料學番一招半式，揸盡林峯。
食飯套料
去年五月，年僅十九歲、車牌都未考到的吳千語，要林峯送 Aston Martin不果，之後搵人揸走男友的馬莎拉蒂跑車，企圖霸王硬上弓，逼對方出手買自己 dream car，可惜埋門一腳被峯爸林華國發現叫停。
另一邊廂，上月底黃曉明自導自演真人騷，送林寶跑車給女友 Angelababy做生日禮物，令恨有辣車揸手的千語 BB吃盡酸葡萄。想有樣學樣，千語 BB於是主動 call林寶 Baby食飯賜教「箍仔經」。
「雖然阿峯對 BB千依百順，但總係無實質嘢過佢手，見到 Baby收車又收樓，佢咪約食飯套嚇對方有咩法寶囉。」千語 BB身邊人透露。
十分鐘速撇
收完林寶，便做跟得女友陪黃曉明去南京開工的 Baby，回港後應千語 BB邀請，到半島酒店開餐。晚上九時半， Baby揸住三手林寶生日禮物到酒店，連日來風塵僕僕，素顏 Baby眼肚黑眼圈現曬形，但她在酒店只逗留十分鐘，便孖住形象設計師好友馬天佑匆匆離開。
已超過一年牌齡， Baby成功脫離 P牌族，揸林寶亦有板有眼，記者上前拍照， Baby定一定神，便開動林寶絕塵而去。
半小時後，輪到千語 BB孖住友人離開，全程面燶燶的她，對 Baby俾面到一到，未有傳授「箍仔經」表現失望。
如影隨形
黃曉明為 Baby自製土豪式浪漫驚喜，同時將收埋四年的戀情大方浮面。上週三（十三日） Baby前往首爾與《來自星星的你》男主角、在亞洲爆紅的金秀賢出席活動，據知黃曉明亦有同行。
記者會上，金秀賢拖實短裙襯高踭鞋的 Baby上落樓梯，盡顯男士風度，而 Baby亦向金秀賢大送高帽：「很多人羨慕我上年跟金秀賢拍廣告，仲要跟外星人。」
收豪宅收辣跑，仲有得親近金秀賢，成為天下雌性動物羨慕對象的 Baby，在首爾期間，被網民影到孖住黃曉明，跟韓國 EXO成員 Tao和世勛飯局，事後 Baby繼續曬幸福：「佢（黃曉明）得閒咪陪我去玩。」
首爾黐到返北京！本週一（十七日），二人十指緊扣返回黃曉明北京豪宅，見少面也不能！吳千語的「 BB降」，要換嚇料
|
鍾意就快D Share啦！
|
|
|