[壹週刊 1254] 胡慧中自備手套防菌 M1,

戴住透明膠手套去買餸，愛清潔嘅胡慧中都算係街市奇景。

同你吟一吟

胡慧中自備手套防菌

隔籬發嫂去街市，同大家洗面刷牙一樣普通，但對啲偶一為之嘅人嚟講，就同去打仗冇分別。

司機未到，胡慧中同工人企出馬路係咁望，好心急。

早個禮拜，《壹》仔見到胡慧中同工人行街市，有多對手幫忙攞餸，應該好輕鬆，但八珍見胡慧中全程都戴住一對透明膠手套，嚴陣以待。要去魚檔肉檔，找番嚟嘅錢，隨時有血水腥味，胡慧中明顯怕整汙糟自己對手，所以自備手套防菌。

即係咁，八珍都聽聞有個潔癖富豪，身上現金一定係新紙幣，用錢一係唔使找，再唔係將找番嘅錢俾咗身邊人，總之唔掂舊銀紙。所以，胡慧中戴手套去街市，係好正常嘅！

鍾意就快D Share啦！

下一篇 》