全城熱爆的娛樂八封新聞 & 時事趣聞 & 生活 + 趣聞
方中信簡直係女人殺手，去到菜檔問阿姐：有乜靚菜？阿姐即刻如數家珍，買菜搭蔥，紮蔥都多過人。
一向愛賽車嘅方中信，近年經常落場，仲要係砌電單車，今個月底又話會去珠海參加比賽。型男加鐵馬，型上加型。
不過咁，方中信唔只砌車掂，煮兩味一樣得。上個禮拜四（十三日），佢一個人咬住支牙籤去街市買餸，之後去燒味檔斬料返屋企。 錫女錫到燶嘅方中信親自下廚俾囡囡迦晴食，反而媽咪莫可欣就求其得多。早個禮拜，莫可欣帶住已經讀小一嘅囡囡去海港城 city'super買外賣壽司當飯食，見迦晴紮紮跳，莫可欣係咁意厲佢一眼，個女已經驚到即刻 stop。 全餐老豆同快餐老母，仲使揀咩！
囡囡迦晴企響收銀機旁邊紮紮跳，莫可欣一個眼神，即刻企定定唔敢鬱。
老豆會煮住家飯，跟住媽咪莫可欣，食壽司又一餐。
有其父必有其女，老豆歡喜玩電單車，囡囡迦晴都有部，佢呢個樣，真係好似媽咪莫可欣。
