[忽然1周 976] 貴過克勤 張兆輝 關禮傑 50萬人仔講世界盃 克勤,張兆輝,關禮傑,李克勤,MW,

關禮傑及張兆輝雖然同屬一隊，不過練波時都冇情講，一樣去到盡。

娛樂喧

貴過克勤　張兆輝　關禮傑　 50萬人仔講世界盃

世界盃尚有兩個月才有得睇，不過張兆輝同關禮傑兩隻波牛就率先感受世界盃。兩位中生最近應內地央視邀請，飛巴黎踩入法國國家足球隊的訓練基地，拍攝世界盃節目《 Go巴西 Goal》做一集嘉賓，為比賽旁述半小時就各袋 50萬人仔，計落仲高薪過平均 16萬講一集的李克勤！

以往在大台做世界盃節目，主持、藝員每集只得數千，現在張兆輝與關禮傑做一集嘉賓，酬勞比大台高十幾廿倍，難怪個個北上掘金！

其他影片： >>貴過李克勤　張兆輝　關禮傑　 50萬人仔講世界盃 >>世盃問題大激鬥　張兆輝 KO關禮傑

去年電視劇《神鎗狙擊》在內地點擊率逾 5億次，帶挈男主角張兆輝打開內地市場。而水頭充足的中央電視台，早前看準《爸爸去哪兒》熱爆，想拍攝一個世界盃版本的親子節目，更打算以千萬人仔找張兆輝父子到歐洲拍攝。不過張兆輝因為接了杜琪峯新片《華麗上班族》，加上兒子要返學而未能成事。

後來央視以張兆輝做膽，加埋關禮傑，將節目改為真人騷，名為《 Go巴西 Goal》，兩人作嘉賓評判，由參賽的球迷及內地明星與各國球員、球迷比拼球技及玩遊戲。上月尾，張兆輝及關禮傑抽五日時間，拍攝第一站──法國。

見足六日

近日大台周一至五兩套劇都有關禮傑份，就連周六的《廉政行動 2014》都見到佢，難怪央視睇中佢。

去年的《神鎗狙擊》在香港雖然口碑一般，但在內地點擊率就逾 5億次，成為內地神劇之一。

兒時夢想做球星

兩位波牛到達法國後，立即踩入法國國家足球隊的訓練基地，拍攝兩隊參賽者比試。張兆輝與關禮傑雖然只是評判，但亦有落場示範，同時為比賽做旁述，完全過足癮。

兩人熱愛踢波唔係得把口，上周三（ 2日）中午滂沱大雨，待兩點多雨停後，他們即趕落九龍灣踢波，兩人在球場上活力十足。

談到球技有番咁上下，張兆輝說：「搏命㗎！我係波精嚟，英格蘭是我情意結，邊個好波咪鍾意邊個，我鍾意守龍門嘅雲達沙，不過佢退咗休，今年就睇好巴西。雖然我做唔到朗尼或朗拿度，但今次去法國國家隊訓練場踢下波，都算實踐咗夢想（係咪世界盃迷？）世界盃幾年先搞一次，一定留意！（拍一集酬勞有 50萬喎？）酬勞 ok佢哋都好闊佬。」

再問拍檔關禮傑，對酬勞他一樣笑而不答：「我哋鍾意踢波嘛！最緊要有份參與世界盃，順便可以發揮我哋嘅普通話，哈哈。（有冇難度？）冇，我同張兆輝一齊去變咗有拍檔，大家都開心啲。其實都係宣傳世界盃，我哋係評判，間中會幫啲參賽者，都好輕鬆。今年我就捧德國隊，而球星我鍾意朗拿度。」之後記者向他們突擊發問世界盃問題，張兆輝答中九成，關亦答中六成，足證兩位波牛並非揸流攤！（詳情睇片）

以往為大台做世界盃節目，都係 30分鐘當一個騷計，藝員拍成個節目都只得數千元，嘉賓更加只有車馬費。與出手闊綽的央視相比，的確蚊髀同牛髀。難怪張兆輝講到明，稍後安排到時間的話，會再為《 Go巴西 Goal》做嘉賓

擁抱獎盃

去到法國國家隊訓練場，張兆輝忍唔住，要同巨型版世界盃影番張相。

傑仔示範

球迷及內地明星除了比較球技，仲要鬥體能，關禮傑更即場示範掌上壓。

星級待遇

中央電視台為兩 pair夫婦安排來回商務客位（每人價值約十萬），四晚亦入住每晚價值逾萬港元的五星級酒店。

法國老麥

雖然係坐商務客位去法國，不過拍攝時間緊，兩人喺現場都係捱老麥。

本刊即時測試張兆輝同關禮傑的世界盃知識，關禮傑啱六成，張兆輝就中九成。想睇現場實況，記得睇片！

張兆輝以往都出席過唔少世界盃活動。上屆世界盃，就同黃日華及衞志豪示範球技。

克勤最貴

香港電視台一向有請藝員、歌手講波，不過講出手一定冇內地咁闊綽。現時香港講波酬勞紀錄，以李克勤為 now講 2012歐國盃，有 800萬酬勞最高。但除勻 31場波，李克勤每場收 16萬，冇張兆輝同關禮傑咁高人工。

李克勤 16萬

李克勤為大台主持多次世界盃，每集酬勞約為 2萬。而 2012年，克勤為 now做歐國盃大使，酬金高達 800萬。

陳百祥 3萬

自言靠大台養大嘅阿叻，同樣為大台主持多次世界盃，酬勞每集約 3萬。

阮兆祥 2萬 4

阮兆祥亦有為大台講 2012年的歐國盃，每個騷收 6千，即一場波收約 2萬 4。在節目中他負責搞氣氛，話過：「雙手插落個火鍋度，不知淥（鹿）死誰手。」

張國強 5千

球員出身的張國強，近年亦有為大台講波，每集約有 5千酬勞。佢曾經爆響口話黃婉曼「好波」，被網友狂轟。

鍾意就快D Share啦！

下一篇 》