[忽然1周 976] 輸獎心情靚 G.E.M.巡唱勁加場 G.E.M.,G.E.M,鄧紫棋,MW,

G.E.M.所屬公司為保場面免混亂，特別請咗約 10位彪形大漢維持秩序，但現場真係有太多 fans，多次出現人推人場面，好彩 G.E.M.有監製 Lupo同經理人 Tan喺後面傍住，頂得住。

媽咪姐

輸獎心情靚　 G.E.M.巡唱勁加場

G.E.M.呢期有幾紅，真係唔使媽咪姐多講，家陣佢嘅微博粉絲人數已經破千萬，以本港女歌手嚟講，確係一枝獨秀！

其他影片： >>G.E.M.首奪 KCA亞洲藝人獎　金魚嘴冧fans >>揭《我是歌手 2》後台真面目 >>《我是歌手 2》屈居亞軍　 G.E.M. O嘴？

雖然喺《我是歌手 2》總決賽輸咗俾萌叔韓磊，不過就贏咗名氣，全面打開咗國內市場。 5月開始，佢就會喺國內做巡唱，媽咪姐知道差唔多每站嘅門票都被秒殺，所以大會決定加場。

如果大家買唔到飛去睇 G.E.M.嘅巡唱，其實喺星期五（ 11日）湖南衞視會有一場超級表演，集齊《我是歌手》第一、二輯嘅參賽者包括羽泉、林志炫、楊宗緯、 G.E.M.、韓磊同曹格等出席鬥歌藝，正！

北京開香檳

周二（ 8日） G.E.M.喺北京開世界巡唱記招，開曬香檳，非常 happy！就算有記者問到舊愛林宥嘉，佢都只係笑而不答，明顯唔 care啦。

國內巡唱一共有 9個站，首站澳門由原本開 1場加到 3場，上海亦會加多場，由 5月一直唱到 8月。

以前 G.E.M.成日俾人話寸，今次佢做完《歌手 2》就搵曬韓磊（左上）等前輩合照，又猛多謝方大同（右下）同佢合唱。 22歲，大個女喇！

啱啱比賽完， G.E.M.已經去舉鐵 keep fit，成功唔易囉。

鍾意就快D Share啦！

下一篇 》