[忽然1周 976] 聲沙李蕙敏完騷趕生仔 李蕙敏,MW,

成晚演唱會，李蕙敏總共換咗 9套衫， deep V、 tube dress乜都有。

媽咪姐

聲沙李蕙敏完騷趕生仔

上周六（ 5日），媽咪姐去咗睇李蕙敏（ Amanda）喺 Star Hall舉行嘅演唱會，點知唱到第三首歌〈贈興〉，噢！走音。最弊嘅係佢之後講嘢都走音，成晚又聲沙沙。

之後 Amanda話係開騷之前凍親，點都好啦，正如佢所講：「 Fans唔會介意我聲沙，最緊要大家開心！」置身其中嘅媽咪姐亦覺得當晚嘅氣氛其實真係一流㗎！無論係快歌定慢歌，一班粉絲都出盡力揮動 boom boom棒兼舉曬燈牌。話時話，上年 10月，李蕙敏嫁咗個英國老公，仲話希望婚後生一仔一女，不過為咗籌備呢個演唱會，所以將生 B計劃押後。依家騷又做完，係時候開始下個大 project，同老公生番個靚靚混血 B喇！

Encore部分，全部起曬身，就連唔識聽中文嘅老公 Serge（粉紅衫）都勁 high。

怨女歌係李蕙敏強項，〈你沒有好結果〉都唱咗兩次，加埋淩厲眼神，真係無得輸！

鍾意就快D Share啦！

下一篇 》