探熱針
直擊關淑怡寧波車新蒲崗防彈基地
行為十分個人化的關淑怡（ Shirley），上月中突然在其私人 Instagram自揭十二歲兒子關浚賢生父為寧波車，多年秘密又有新版本，硬食死貓多年的曾志偉沉寃得雪。
據了解，殊利仁波切在新蒲崗開設的佛學會，戒備森嚴，除要密碼鎖出入，連大門都是防彈，好大陣仗！
守教規食死貓
一直以來，外界對誰是關淑怡兒子關浚賢生父有多方揣測，當中最繪影繪聲的是曾志偉，不過當事人從來沒有作詳解，反而處處維護 Shirley。據知，志偉早已知道真相，硬食死貓十二年，原來與宗教規條有關。
「當年俾人話係經手人，但志偉都冇講啲咩。其實佢同 Shirley都係同一個教派，都係跟殊利仁波切。教派其中一個要嚴守嘅規條係唔可以批評或惡言寧波車，如果唔係，死後會落地獄，志偉就算一早知，都寧願食死貓唔想落地獄。」知情者說。
設於新蒲崗五芳街的殊利大手印佛學會，據知門是防彈的，如要進入學會，便須輸入密碼，有很高度的戒備。另外，該佛學會有網頁介紹，可以了解殊利仁波切由出生至今的大事記錄。
後悔爆大鑊
Shirley揭開兒子生父真身後，有指她亦為自己的一時衝動而後悔。
「密宗係藏傳佛教，分紅、黃、白、花四個教派，志偉同 Shirley係白教，邱淑貞係花教，佢哋個教派都有信眾好似 Shirley咁，深信同寧波車結胎係轉世靈童，係一件神聖嘅事，不過，亦唔係個個咁諗。
「 Shirley都好矛盾，咁多年都覺得委屈，又驚搞出事！殊利仁波切大多數時間喺不丹同台灣，亦喺新蒲崗有個傳教中心，班信眾都叫（仁波切）呢排唔好嚟住。」
本刊曾到殊利仁波切於新蒲崗五芳街的殊利大手印佛學會了解，發現位於十二樓，佔地半層樓的佛會竟然用上防彈門，出入用私人密碼，高度戒備。據了解殊利仁波切到香港與信眾會面，多選擇在上址舉行見面會。
第八世殊利仁波切
殊利仁波切是釋迦牟尼佛座下的十六羅漢弟子之巴沽拉尊者的轉世，「殊利」是藏語，意謂大寶法王駐錫之祖普寺旁邊的一座山。而「仁波切」是寧波車另一譯音，是如意寶的意思，通常用以稱呼已經在佛法修持上有所成就。
今世的第八世殊利仁波切，生於不丹國一個貴族家庭，兩個月大時被十六世大寶法王認證，兩歲時由十六世大寶法王主持，在四大法子及眾多大仁波切的見證下，完成了坐床典禮並獲賜法名為噶瑪密覺淟比嘉城吉密闊恰。隨後在錫金隆德寺接受嚴謹的傳統教育，及到印度、尼泊爾、不丹等地學習經論密續及四大教派不同傳承法門，並於 1993年完成「堪布」教授學位，開始弘法事業。
借私隱谷人氣
三月十三日清晨時間，關淑怡在 Instagram寫了段英文聲明，自爆兒子關浚賢生父是寧波車，又大鬧對方十二年來對兒子漠不關心，連電話都沒有一個，秘而不宣多年的兒子生父揭盅。「 Shirley今次爆出嚟，係因為咁多年個男人對兩母子不聞不問，冇照顧過佢哋，同埋個仔上中學，都唔希望俾同學誤會佢係志偉個仔。」有知情者說。
欠志偉人情
據了解，為繼續搵錢供書教學， Shirley已著手籌備入行廿五周年演唱會，下月尾將先到美加舉行個唱。
「 Shirley早排先幫志偉錄咗新劇《 M Club》首主題曲，同林欣彤合唱嘅，佢欠志偉人情，所以志偉出聲一定會幫！呢排開始為五月尾美加演唱會彩排練歌，廿五周年個騷就度緊紅館個期，亦未有落實贊助商， Shirley想今年搞，但紅館個期好密，跨年又俾 Sammi拎咗，最快隨時出年先成事。」知情者說。
富貴信眾
圈中有不少虔誠學佛之人，甚至願意放下身段，每次有高僧或上師到港，都親自接待，安排住宿，照顧周到。
|
鍾意就快D Share啦！
|
|
|
