娛頭
離婚終局 一蚊都冇三子拆開住 劉坤銘倒欠百萬 羅霖絕望：應該追唔番
過兩年就五張的羅霖，九六年跟富商劉坤銘結婚並育有三子，外界以為她上岸做富太，直至前年羅霖單方面宣布分居，並聲淚俱下指多年來受盡委屈，以致要決心離婚。再見不是朋友，二人為贍養費對簿公堂，前夫劉坤銘不但在學校跟她搶仔，甚至有指他反索贍養費及分身家。
離婚官司擾攘兩年，上月底，二人終於達成協議庭外和解，已經冇錢繼續打官司的羅霖自動放棄一蚊都唔攞，而多年前借給劉坤銘周轉的過百萬私己錢，她亦打定輸數：應該追唔番！
無錢打官司
羅霖將跟劉坤銘一段婚姻形容是場噩夢！最令她痛心，是影響到三個兒子，變成二人間的磨心。
生活重新開始，一切靠自己的她復出拍戲，臨近半百，還搏命曬三吋事業線出席電影首映禮，表現積極；要搵食又要爭取跟兒子見面，令她辛苦到經常淚灑人前。
上月底，纏擾多時的離婚官司終得到解決，不過，據知羅霖也是在無條件下，才達成協議。
「其實 Candy（羅霖）係好無奈先接受冇贍養費嘅要求，因為一直咁糾纏落去，佢根本冇錢俾律師費，由開始到而家，已經使咗六位數，再落去保守估計要百幾萬，佢邊度有咁多錢?就算復出搵到嘅錢，都寧願留嚟傍身，話曬都四十八歲，而家先開始，都知唔係咁易。仲有，對方唔玩反索償， Candy就算一蚊（贍養費）都拎唔到，都當自己贏咗。」知情者說。
投靠娘家
雖然二人共同擁有兒子的撫養權，法庭亦判三個仔跟羅霖生活，但礙於經濟能力有限，劉坤銘又表明不會租屋給四母子住，能力有限的她，被迫選擇只跟細仔 Jonathan生活；劉坤銘則與兩個大仔搬到九龍塘，繼續富貴。
「 Candy帶細仔返深井娘家住，都係為勢所迫，佢都唔想幾個人逼埋喺個幾百呎單位，仲要細仔返學都唔方便。但係劉坤銘唔肯俾錢租屋，所以三個仔要分開，大仔二仔跟爹哋，細仔就跟媽咪。趁住有假期， Candy早排都帶咗個細仔去咗台灣幾日，爭取多啲親子時間。」知情者說。
借錢應急
失婚羅霖處女下海拍情慾戲，跟年紀相差十七年的關楚耀床上激戰，搏曬老命，據了解，亦跟前夫一直唔肯還錢有關。
「劉坤銘○二年生意失敗，後來屋企人出手，佢先走得甩，唔使俾人申請破產。之後佢都有再搞生意，但都唔順利， Candy為咗配合佢，試過成家搬去上海住咗幾年，仲借曬啲私己錢俾佢應急，前前後後加埋都有過百萬！兩公婆仲一齊就梗係冇分你我，但而家要搵錢養自己， Candy梗係想攞番筆錢，不過佢一直唔肯還。」
最壞條件
上週六（三月二十八日）晚，羅霖到髮型屋整頭化妝，準備出席她頭炮電影《愛．尋．迷》首映禮，對於和前夫已協議和解，她說：「庭外和解係最壞打算之一，最壞最壞就係上法庭打官司。不過今次嘅和解條件亦係我預咗最壞條件，我本人都有曬心理準備。」至於所謂最壞條件是否一蚊贍養費都冇？她點頭直認。
因為能力所限，加上是因為劉坤銘唔肯出錢租地方。羅霖承認即使法官判三個仔跟她住，但取捨之下，她只能選擇跟細仔一同生活。「無錯。我會努力工作，希望第日可以同三個仔一齊住。」
問到前夫是否欠她過百萬未還？羅霖說：「我唔可以答呢個問題。（妳覺得會唔會追得番？）應該都唔會，為咗將來，一定要自力更生，俾心機做嘢。」
資產轉移
有傳劉坤銘知道要與羅霖打官司離婚後，為怕被人分身家，逐步將自己在銀行的巨款轉走，為此羅霖曾公開暗寸：「佢邊有財產同物業？你知啲商人幾叻，好快咩都可以轉走曬。」
搶仔贈興
去年八月，趁羅霖正日生日，劉坤銘到幼子劉子晉就讀的學校，與羅的工人爭仔，最後羅霖透過律師解決事件，子晉才及時去到媽咪的生日會。
反索贍養費
強調冇攞劉家一分錢的羅霖，為生活狂接 job，有傳劉坤銘見前妻有能力賺錢，即透過律師向她索取贍養費。
高齡女神
羅霖九一年選亞姐奪冠，九六年與劉坤銘結婚，並先後生了三個仔，十幾年冇再沾手幕前工作，直至正式分居後，才重出江湖。現年四十八歲的她，復出接拍陶傑執導電影《愛·尋·迷》，即俘虜高登「巴打」，成為女神。
賭彩數
女星再風光再紅都好，最後一站，都係要搵個歸宿，泊碼頭上岸，至於有冇上錯船，就要賭你彩數。
|
鍾意就快D Share啦！
|
|
|
