2014年4月3日 星期四

[壹週刊 1256] 富二代男友收車 龔嘉欣衰招搖 龔嘉欣,M1,




探熱針

富二代男友收車 龔嘉欣衰招搖

12年跟鄧健泓甩拖後,龔嘉欣極速搭上港男許家傑,騎牛搵馬,遇到更佳選擇,換畫事不宜遲!今年二月,一心釣金龜的龔嘉欣被踢爆與有米富二代陳世俊撻著,更高調揸住男友五十萬 Benz跑遊街,宣示主權。高調曬命,卻引起陳世俊反感,決定斬纜兼收車。人車皆空,龔嘉欣出入逼港鐵,打回原形。

據為己有

因為揸住男友陳世俊五十萬開篷 Benz跑招搖過市,龔嘉欣不單被形容貪錢,還指她常向身邊人曬命,指自己有男友水喉射住,隨時唔使做。

為此,龔嘉欣曾公開解畫:「我一直想買朋友架 Benz,所以咪揸嚇試嚇力水。」實情是去年八月龔嘉欣成功搭上陳世俊後,便一直將男友的 Benz泊在與好姊妹姚子羚共同租住的將軍澳寓所停車場,把名車據為己有。

新戀情曝光不足一個月,男友收車兼分手。本刊發現,龔嘉欣的停車位,泊了另一部 Mini Cooper,陳世俊的 Benz跑已不見影蹤。

「之前佢(龔嘉欣)仲揸住架 Benz跑開工,但拍拖單嘢爆咗冇耐,就冇再見到架車,佢而家收工唔係搭的士,就係黐同事車走,有時仲會搭港鐵。」知情者說。

今年初有米男友陳世俊(中)投資的髮型屋開幕,龔嘉欣不避嫌去撐場。

姚子羚跟龔嘉欣的男友陳世俊亦稔熟,故當日他的髮型屋開張,姚亦有到場祝賀。

剛飛甩龔嘉欣的富二代陳世俊,家住天後的傲龍軒,現替家族打理地產生意及投資髮型屋。因為人低調,故與龔的戀情見光後他選擇收車走人。

被撇前

五年來出入有車揸的龔嘉欣,近日因為失戀搞到人車皆空,改搭地鐵代步。

甩拖後

遭男友飛起後,跑車收回。龔嘉欣間中會搭公司保母車出席活動。

鄧健泓大方

早有楊崢高調揸黃宗澤古董車出入曬姊弟戀,最終被飛兼收車,龔嘉欣命運亦一樣。

「陳世俊好低調,同嘉欣拍拖見光之後,係咁俾記者跟,佢覺得好煩。最重要係兩個拍拖只係半年,人哋根本冇諗過送架車俾佢囉!」

龔嘉欣鍾意叫男友送車,窮前度鄧健泓亦不例外。

「之前同 Patrick(鄧健泓)拍拖,佢都冧掂對方買咗架 Mini Cooper俾佢;後來分手 Patrick都冇收番架車,嘉欣將架車 trade-in,換咗部福士。到同陳世俊就霸住對方架 Benz跑嚟用,仲賣咗架福士套現,結果搞到人又冇、車又冇。」知情者說。

與鄧健泓拍拖時,龔嘉欣獲他送上 Mini Cooper。分手後男方沒有收車,還讓她把車轉換福士。

龔嘉欣同姚子羚係好姊妹,但後者拑富二代的功力,遠勝前者。

揸福士期間,龔嘉欣經常載住好姊妹出入。搭上富二代後,一心轉揸 Benz跑的她便把手上福士賣掉套現。

暗溝沈震軒

打回原形後,龔嘉欣亦四圍放聲氣,表示已經甩拖回復單身。「佢梗係唔講俾人飛,只係話分咗手,收車就更加提都唔提啦。」

由鄧健泓、許家傑到搭上幫家族打理「廬山置業」生意,又自己創業開高級髮型屋的陳世俊,龔嘉欣經歷「上落市」,可惜「優質股」揸唔長,唯有變陣,向正在上位中的「潛力股」沈震軒埋手。

近日沈震軒拍劇受傷斷骨,龔嘉欣親自煲愛心靚湯,更投其所好,走去學揸電單車,希望借同聲同氣,撻著電單車迷的沈震軒,表現主動又積極。

與富二代分手後,有傳龔嘉欣即主動追求暗戀多時的沈震軒。

龔嘉欣不單煲湯慰拍劇受傷的沈震軒,還投對方揸電單車所好,走去學埋一份。

去年她與港男許家傑傳出緋聞,不過男方被踢爆有正印後,此情快來快去。

排位下滑

感情不如意外,龔嘉欣事業亦有向下滑趨勢。去年出街的《金枝慾孽貳》及《師父.明白了》她由三線紮上二線,一副被力捧姿態,但近日又被打回三線位置,谷唔起!

《無雙譜》

拍攝中的新劇《無雙譜》,女一女二分別是岑麗香及田蕊妮,龔嘉欣回落三線。

《守業者》

在剛播完的《守業者》中,龔嘉欣的戲份比女配角唐詩詠還少,跟她在《愛回家》一樣,閒人一個。

見光死

藝人拍拖,收收埋埋,除了怕被傳媒釘住冇曬私隱外,亦考慮到公開會阻住「搵食」,甚至因為受壓而出現反效果,隨時見光死。

黃宗澤 楊崢

餐廳接吻被廣傳後,楊崢校啱時間,揸住 Bosco的古董車出席活動,高調做澤嫂,慌死冇人知。戀情公開,楊崢連環被爆虛報年齡、貪錢、專做小三,觸怒黃阿媽,孝順仔黃宗澤最終收車分手,結束姊弟戀。

余文樂 吳雨霏

去年,余文樂跟吳雨霏被影到赤柱行街,繼而拍拖歐遊後,戀情見光。半年後,女方突然發聲明宣布分手,有指仍然對前度黃伊汶念念不忘的余文樂,根本諗住拍散拖,令吳雨霏忍無可忍。



鍾意就快D Share啦!
Related Posts Plugin for WordPress, Blogger...