熱爆娛樂: [壹週刊 1257] 人氣 No.1　 G.E.M.一唱六十萬人仔 G.E.M.,G.E.M,鄧紫棋,M1,

2014年4月10日星期四

[壹週刊 1257] 人氣 No.1　 G.E.M.一唱六十萬人仔 G.E.M.,G.E.M,鄧紫棋,M1,

本週一（七日）上午十一時多， G.E.M.在老闆兼經理人 Tan陪同下現身機場，此行要在北京留一星期。

探熱針

人氣 No.1　 G.E.M.一唱六十萬人仔

經歷四個月的《我是歌手 2》最終由內地歌王韓磊奪冠，港代表鄧紫棋（ G.E.M.）雖然屈居亞軍，但輸獎賺人氣，連賀成龍六十大壽的慈善演唱會，亦要沾一手聯絡 G.E.M.出席。據了解，在內地爆紅的 G.E.M.已在北京設辦公室，瞓身北上掘金。

拎第二開香檳

鬥唱四個月， G.E.M.最終在總決賽中大熱倒灶，輸給內地歌王韓磊，網民指賽果有政治、內地製作偏幫自己人等因素影響， G.E.M.在微博的《我是歌手微博票選人氣歌王》投票中亦是第一位。

上星期六（四月五日）才由內地返港，隔兩日又出發再飛北京。 G.E.M.在機場回應網民為她敗陣不值時說：「以我嘅經驗、年紀、經歷過嘅嘢同心理質素，拎第二已經要開香檳，好感恩呢個節目俾咗好多嘢我，俾機會我接觸咁多 fans，舞台上實習咗好多嘢，無論係個人事業定係成長，賺咗好多！」

一登龍門升價十倍的 G.E.M.，搭飛機坐頭等艙，除經理人外，還有兩女一男助手同行，開始有天後排場。

《我是歌手 2》結束後， G.E.M.從長沙飛到深圳再返香港，有逾三百粉絲接機。

三萬變六十萬

賺了人氣、經驗、粉絲人數，隨之而來是賺錢機會。短短幾個月內， G.E.M.由籍籍無名的香港歌手，一變成內地人氣「冧巴溫」，知名度和身價十倍上，下月將在北京開個唱的她，已在當地開設辦公室，為北上掘金開壇。

「嘩，呢啲要問佢（經理人兼老闆 Tan）喎，佢先知！」站在一旁的 Tan直言：「北京嘅公司已經喺度， G.E.M.喺內地嘅工作量比例會比之前多。」

據知， G.E.M.在內地演出一首歌的歌酬，已經由以前的三萬升至六十萬人仔。

「韓磊唱嗰首《向天再借五百年》係佢嘅代表作，內地紅到不得了， G.E.M.輸係正常，雖然輸咗，但佢真係唱得，五月北京個唱一出已經賣曬飛，仲有大把錢等佢賺。」一名工作人員透露。

韓磊以代表作《向天再借五百年》擊敗 G.E.M.，奪得《我是歌手 2》冠軍寶座。

G.E.M.請來方大同為自己彈結他合唱，最後仍不敵內地歌王韓磊，只能屈居亞軍。

唔埋成龍堆

今時不同往日，星期日（六日）在北京舉行的賀成龍六張《和平友愛慈善演唱會》，也曾邀請 G.E.M.出席，卻因為撞期要推辭。

「大哥（成龍）都有搵 G.E.M.一齊玩，不過佢公司話有嘢做推咗；不過 G.E.M.嗰邊應該係覺得怪怪哋，因為大家根本冇合作過，所以先至推。」知情者說。

事業得意的同時， G.E.M.連番被前度林宥嘉在微博暗寸。

「我無再留意佢嘅嘢，物色對象，真係要小心啲。」提到舊愛， G.E.M.一臉不屑。