熱爆娛樂: [FACE 359] 我歌我在　封喉 14年　 35歲陳敏之撈出碟陳敏之,MF,

2014年4月9日星期三

[FACE 359] 我歌我在　封喉 14年　 35歲陳敏之撈出碟陳敏之,MF,

陳敏之承認有同唱片公司傾緊合作，但「星夢」就冇搵過佢。

真面目

我歌我在　封喉 14年　 35歲陳敏之撈出碟

某台玩封殺傳媒，旗下藝人首當其衝，原有商演活動紛紛撻 Q，收入大減，個個其實苦不堪言！

不過馬死落地行，好似「索腿天後」陳敏之，深知單靠拍劇收入有限，好彩之前主唱《 My盛 Lady》插曲，網民個個大讚，難得搵到好路數，即刻四出𢱑撈搵唱片公司出碟， 14年前做過小室哲哉徒弟做短期歌手， 35歲陳敏之今年再做新人。

擁有 43吋長腿的陳敏之，初入行時兼職做模特兒， 00年仲成為「音樂教父」小室哲哉旗下徒弟，順勢打入樂壇，當時到日本集訓、又到夏威夷錄碟，係威係勢，仲推出過一首歌〈一息間的放縱〉，小室五個徒弟當中，佢最快跑出；後來因為小室哲哉涉詐五億日圓事件，出碟夢醉。

陳敏之話曬都叫做係「音樂教父」小室哲哉徒弟、做過歌手，唔只睇得，仲唱得兩嘴㗎！網上圖片

陳敏之主唱《 My盛 Lady》插曲〈想一天〉，網民勁 like，而且拍劇收入有限，當然想把握機會出碟做歌手。

連高登巴打都出 post，大讚陳敏之歌喉唔錯。

拍完劇錄音

陳敏之𠵱家拍住沈震軒拍攝《使徒行者》，不過拍劇時間長、收入少，當然要另覓財路！網上圖片

阿雪所屬的唱片公司制樂堂，都曾經搵陳敏之傾合作，不過最終傾唔成，據聞 Neway最大機會。

Cool魔一家親

網上圖片

去年 12月陳敏之夥拍 Cool魔張智霖到馬來西亞登台，唱幾首歌就有 6位數字歌酬。據知現時以 Neway唱片最大機會為敏之「復出」碟發行，唱片約同屬 Neway的張智霖，到時一家親

「星夢冇搵過我！」

封喉 14年，其實陳敏之一直對唱歌事業未死心，眼見拍劇漸有成績，敏之亦想再次出碟，一圓當年未完的夢。據知，去年《星夢傳奇》舉行前，亦有高層想敏之參加，但當時正值敏之劇接劇，加上她對於《星夢》真人騷般的淘汰賽制始終有保留，最終冇成事。反而經過她為《 My盛 Lady》獻聲插曲一役，坊間反應大受好評，才真正激發她出碟的計劃。

「講真拍劇搵得幾多？𠵱家連出騷都機會少曬，梗係更加想有多啲登台騷、內地吧騷唱而且敏之仲好鍾意唱歌，之前唱《 My盛 Lady》插曲〈想一天〉，估唔到咁好反應！佢初步打算自資錄歌，最近四圍搵唱片公司發行，聽講 Neway最大機會。」敏之身邊人透露。

據知有唔少唱片公司都搵過陳敏之，但竟然冇無綫旗下的「星夢」份，連阿雪（孫慧雪）所屬蚊型公司唱片公司制樂堂，都曾經搵過陳敏之合作，不過最終傾唔成。

本刊週一（ 7日）致電陳敏之，問佢出碟一事，她即好興奮咁話：「𠵱家係有同唱片公司傾緊合作，至於邊間未講得住。（點解唔簽番「星夢」？）佢哋冇搵過我喎。（今次決定自資出碟？）當然希望有唱片公司簽我」

靠賣碟梗係賺唔到錢，不過有新歌更容易接登台騷，上年 12月，陳敏之就黐住張智霖去雲頂登台，唱幾首歌就有 6位數字落袋，好過拍劇