掃呢頁CODE去手機

2014年4月9日 星期三

[FACE 359] 爛聲李蕙敏 開騷靠和音 李蕙敏,MF,




曾有「銷量天後」之稱嘅李蕙敏,入行 26年終於喺上週六( 5日)舉行首個個人演唱會。雖然搏到盡著曬大 V晚裝騷胸演出,但因聲沙兼且唱到走音,搞到要班和音幫拖補鑊。

FBI

爛聲李蕙敏 開騷靠和音

44歲李蕙敏( Amanda),上週六( 5日)踩入九展 Star Hall,舉行入行 26年首個個人演唱會《 Forever Love》,難得處女登場, Amanda當晚一共換咗五套歌衫,當中更有開大 V低胸裝,大騷性感平板胸。

講明係演唱會,唱歌先係主菜,但當晚 Amanda唱到第 3首歌〈贈興〉時已走幾次音,之後其他歌要用把爛聲頂住唱,仲要靠班和音幫拖唱先夠聲演出。

完騷後 Amanda就為自己演出失準死撐:「早兩日冷親,搞到我好緊張,而且啲衫布太小,冷氣又凍。呢兩日中西藥一齊食㗎啦,你知我啲歌出名難唱,差唔多」今次唱得完個騷, Amanda應該分番大半份歌酬畀班和音先啱喎!

Amanda雖然表演失準,但老公 Serge Micallef一直喺台下支持,著住大會 tee嘅 Serge,成晚又跳又嗌, high到爆。

把聲完全不在狀態,好彩 Amanda仲跳得,當晚同班男 dancer大跳勁舞補數。



鍾意就快D Share啦!