5/3冇戒指
上月 5日舒淇出席活動時，手上未有鑽戒，不過表情風騷，有愛情滋潤確係唔同啲！
真面目
搵個伴 三離三合 舒淇馮德倫日本求婚
最索剩女舒淇下週三便 38歲，多年來雖然與不少靚仔男星傳過緋聞，可惜都係無米粥！
近年愛上玩微博的舒淇，上月中忽然上載曾跟她三離三合的緋聞男友馮德倫和她愛貓的合照，其後又曬鑽戒，似乎有意讓二人翻撻的戀情浮面。
據知二人於去年底已秘密復合，上月馮德倫亦趁舒淇在法國出席時裝週時，人肉速遞會合女友，見少陣都唔得。本月 16日舒淇生日，馮德倫已向友人透露會努力製造驚喜，二人已攞定假隨時起飛， 4月底返港時會有喜訊公布喎！
舒淇和馮德倫因在 98年合作電影《美少年之戀》而傳出緋聞，其間馮德倫交往過莫文蔚、徐若瑄，而舒淇亦與黎明、王力宏等，可惜兜兜轉轉 40歲的馮德倫和即將 38歲的舒淇仍然單身。
高調曬愛
上月 30日舒淇突然在微博有意無意上載食麵包相曬鑽戒，翌日再公開馮德倫和她愛貓的合照，令人懷疑二人再次復合，舒淇更有意將戀情浮面。
從前冇打算組織家庭的馮德倫，近年被好友吳彥祖和前女友徐若瑄影響開始有結婚打算，而且馮母亦有催住要抱孫，馮德倫開始動搖。多年來跟舒淇都處於曖昧關係的馮德倫，自與徐若瑄分手後二人愈行愈埋，直到去年底二人終於再秘密拍拖。
「 Stephen（馮德倫）同 Vivian（徐若瑄）散咗之後，舒淇多咗同 Stephen一齊，咁兩個都單身搵個伴都要嘅！不過佢兩個感情一向唔差，大概舊年年底，兩個行出嚟嘅姿態已經話畀人聽係情侶喇。今年情人節 Stephen送咗紮花畀舒淇，佢（舒淇）開心咗好耐呀！始終舒淇都恨拍拖好耐」知情人士說。
三離三合分外珍惜，所以上個月馮德倫便抽出一星期時間過去法國，陪要出席時裝週的舒淇，之後過英國旅行。
31/3貓露玄機
曬完巨鑽，翌日舒淇忽然放咗馮德倫喺佢屋企，同佢隻貓嘅合照，明眼人一睇就知舒淇想宣示主權
驚喜旅行
自去年底秘密復合，馮德倫捨棄租住的貝沙灣，不時到舒淇南灣家過夜，展開半同居生活。本月 16日舒淇 38歲生日，據知二人已向公司請定半個月假，而去向就等馮德倫話事。
「 Stephen淨係叫舒淇攞假，但去邊就冇講佢知，話係 surprise party喎！ Stephen原先想去瑞士滑雪，但講真滑雪只係滿足佢自己，舒淇都鍾意滑雪，不過佢就講過唔想生日係滑住雪過，所以 Stephen就諗緊可能去日本一啲特別啲嘅地方！朋友有問佢係咪去求婚，佢就一貫嗰個陰笑樣，蠱蠱惑惑咁！」知情者續說，一直自稱唔想生仔的舒淇，去年已轉口風，連未婚懷孕都接受到：「唔抗拒未婚懷孕，最重要係對小朋友負責任，同埋用心教導佢成長就 ok。」睇嚟今次求婚旅行，馮德倫坐定粒六做老襯
南灣半同居
馮德倫住在深水灣多年，亦是當年與徐若瑄拍拖時的同居竇，但隨住與徐若瑄分手，馮德倫寧願租住貝沙灣都唔再住喺自置物業；而舒淇之前則住在渣甸山永安閣，去年以 13萬月租南灣 2,000呎新竇，憑德倫亦經常到南灣過夜，二人半同居。
前度結曬婚
馮德倫和舒淇嘅前度都唔算多，不過個個結曬婚，難怪二人心急搵另一半。
|
鍾意就快D Share啦！
|
|
|
