[FACE 359] 扮上等人 煎 Pang孤獨打 golf 煎 Pang,陳展鵬,MF,

上週四（ 3日），煎 Pang喺葵湧出席完《廉政行動》宣傳後，即一個人揸車去長沙灣亞洲高爾夫球會練習揮桿，每次揮完都一定 keep住個姿勢，最緊要型！

FBI

扮上等人　煎 Pang孤獨打 golf

入行接近 20年嘅煎 Pang（陳展鵬），由亞視二打六捱到被無綫力捧，成功做咗 TVB上位小生之後仲劇接劇，𠵱家晚晚喺 TVB播緊嘅《叛逃》、煎 Pang戲分仲多過吳卓羲，擺明畀機會幫佢再上。

有珍姐（曾勵珍）睇住冇窮人，前途一片光明， FBI收到風，話煎 Pang上咗位後成個人變曬，除咗個樣愈嚟愈膠外，仲囂到要揀人嚟做朋友，昔日喺亞視同佢好 friend嘅李綺雯（𡃁妹），因為 level唔同，已經好耐冇聯絡，為抬高自己身價，𠵱家煎 Pang只會同視後田蕊妮同綠葉皇後江美儀埋堆，要扮上等人咁鬼現實，唔怪得佢朋友都冇多個，變成孤獨精。

狂抽

一個人狂抽露腰嘅煎 Pang，講真都算有實際，起碼球球將個波打到幾百米外，唔算得個樣！

打中

煎 Pang每次揮桿都大大力，唔夠一粒鐘手都軟曬，於是執嘢走人！

煎 Pang練 golf期間，其實 TVB同事李思雅亦在場，但 2人完全冇打招呼，好似唔識咁款。身為前香港女子網球代表隊成員嘅李思雅，做咗多年《體育世界》主持，打 golf一樣有姿勢，有實際。

唔係講假，上週四（ 3日）黃昏， FBI喺長沙灣亞洲高爾夫球會撞到佢一條冷走去打 golf，當日煎 Pang帶曬成 set高球裝備，成個專業高球手咁款，其間雖然 TVB同事李思雅咁啱同場練 golf，但唔知煎 Pang係咪嫌人奀，連招呼都懶得打，最後一條冷打完一個鐘後就孤獨走人。不過 FBI提醒番煎 Pang，李思雅係冇人氣，不過論家境，話曬住緊元朗葡萄園 3千呎獨立屋㗎！呢啲先係上等人呀！

有珍姐冇窮人，煎 Pang唔只擔正做男一，仲劇接劇，升咗呢後，最近黐埋視後田蕊妮做 friend，貪大家 level相近。

練完高球後，煎 Pang一個人揸車去太子整車呔，其間有 fans認得出佢，仲要求合照，證明煎 Pang都好有觀眾緣。

鍾意就快D Share啦！

下一篇 》