全城熱爆的娛樂八封新聞 & 時事趣聞 & 生活 + 趣聞
早前徐子淇出席一個活動時，染金頭髮加超黑眼線，果然好重韓味！
千億新抱徐子淇一向深居簡出，喺屋企除咗湊仔同照顧老公之外，仲有乜做？ FBI收到風，原來李太好鍾意睇韓劇，早排勁迷《來自星星的你》，又覺得全智賢啲化妝勁靚，於是乎就搵咗位星級化妝師 Meegan，上門教佢韓式化妝喇！
教徐子淇化韓妝嘅老師 Meegan喺圈中頗出名，好多女明星都係佢客仔， FBI問過佢係咪教徐子淇化妝，佢就話：「唔方便透露！」
聽講子淇好畀心機學，不過佢上月尾出席活動時就好謙虛咁同 FBI講：「係呀，不過我嫌自己化得唔夠好，所以出嚟活動都係叫化妝師幫我化。」你咁靚又咁有錢，叫全智賢飛過嚟幫你化都仲得
