DaDa解釋因為去澳門出席亞洲電影大獎而過澳門，「順便」幫 Adriano慶生，但實情 DaDa特登早一晚過去陪仔，玩到夠先開工！兩人在生日 P內，更飲 Shooter玩到 high曬！網上圖片
封面
澳門陪過生日 DaDa接收梁洛施初戀男友
去年戲劇性宣布退出再閃電復出， 25歲 DaDa陳靜為了補鑊積極接戲，已有 3套戲排住隊出街，包括客串下月上映的《香港仔》。
事業暫時回復正常， DaDa立即有心情陪仔，本刊發現 DaDa上月 26日專程搭船過澳門，為新仔慶祝生日。據知大 DaDa 3年的 Adriano是中國葡萄牙混血兒，澳門長大，曾到美國修讀音樂，原來亦是楊紫瓊世侄；最爆嘅係， Adriano 16歲曾經同梁洛施拍過拖，更是對方的初戀男友，快過小小超睇中 Isabella呀！
去年成為金像獎「最佳女配角」的 DaDa，自稱承受唔到壓力，去年 8月忽然在微博宣報退出，但 10月又閃電復出，全面復工。呢期未有戲開，據知愛情至上的 DaDa，最近又有仔埋身，對方是梁洛施的初戀混血男友。
新歡認識楊紫瓊
DaDa新仔 Adriano全名劉旋，今年只有 28歲，是中葡混血兒，在澳門長大，同梁洛施屬青梅竹馬。當年梁洛施 14歲，兩人已拍了兩年幾拖，後因女方入行而分手，去年有傳兩人翻撻，雖然 Adriano仍然跟 Isabella有聯絡，但其實已有 DaDa這個新目標。
知情人士透露︰「 Adriano屋企有少少錢，當年佢同 Bella（梁洛施）散咗，飛去美國 L.A.讀音樂，畢業後返咗澳門搞過嚇音樂，佢識好多歌手㗎，同曹格、張智成班大馬歌手好 friend，把口啷過油又生得鬼鬼哋，好受女仔歡迎。佢同 DaDa近排玩得好密，今次生日 party叫埋佢過嚟，嗰晚仲玩到淩晨 3點幾。」 Adriano人面廣，原來更認識 Isabella和李澤楷的媒人楊紫瓊， 4人關係非常微妙。
DaDa︰佢生日叫我去玩
這次澳門之行， DaDa原是出席「第八屆亞洲電影大獎頒獎禮」，但頒獎禮 27號舉行， DaDa 26號已經過咗澳門，專登提早一日幫 Adriano賀壽。為免「友情」曝光， DaDa沒有放合照上網，反而男方就在 fb大曬貼頭合照， sweet到暈。
週日（ 6日）晚 DaDa接受本刊電話訪問時，就強調大佢 3年嘅 Adriano只係契弟， DaDa說︰「佢（ Adriano）平時叫我契姐，因為我太 man喇，似佢家姐多啲，佢有女朋友㗎！年幾前經朋友介紹認識，佢係音樂人，前排諗住搵佢幫我個新廣告做隻歌，我負責唱，不過最後都冇用到。（頭貼頭慶祝生日喎？）嗰次我去澳門出席亞洲電影大獎，咁啱佢生日叫埋我過去玩，咪一齊慶祝囉，好大班人㗎！（知唔知佢同梁洛施拍過拖？）唔知呀，佢冇提過喎。」
Isabella單身復出
舊愛有新生活，可惜 26歲的 Isabella煲來煲去都係冇米粥。早前有傳 Isabella因與張艾嘉獨子王令塵 Oscar拍拖，而接拍張執導的新戲《念念》，但張姐罕有代子否認緋聞，事隔幾個月，當事人 Oscar更在 Instagram放上與官三代女友程穎婕的蜜照，公開正印身份。
冇得瘟仔，已是三子之母的 Isabella惟有專心事業，拍完《念念》後，下月 30日將會聯同師父詹瑞文演出首部舞台劇《快樂勿語》，飾演聾啞人士，更為舞台劇負責灌錄主題曲，冇唱歌 7年都難得獻聲，正式全面復出。話曬攞過影後，只要 Isabella點個頭，大把 job有排接
爆肌葡仔
DaDa新歡 Adriano Alves（劉旋）現年 28歲，屬中葡混血兒，外形高大，加上鍾意做 gym操肌，吸引唔少女埋身。出身中產、熱愛音樂的 Adriano，與曹格、張智成等歌手相熟，亦係楊紫瓊世侄，偏偏當年正係楊做媒人介紹 Adriano舊愛 Isabella俾小小超李澤楷，關係都幾複雜！
專嗒粗肌男
DaDa入行以來緋聞多多，但多數係高大嫩口，而且大大隻隻，唔通 DaDa偏愛肌男貪佢有安全感？
|
鍾意就快D Share啦！
|
|
|
