網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月1日 星期四

[壹週刊 1260] 生日飯局 發哥陪食慶生 杜琪峯飽到爆鈕 發哥,周潤發,M1,




淩晨一時,張艾嘉、張叔平和杜琪峯夫婦離開位於中環置地廣場的中菜館。

探熱針

生日飯局 發哥陪食慶生 杜琪峯飽到爆鈕

上週二(四月二十二日)杜琪峯在中環蘭桂坊酒店包下西餐廳舉行 59歲生日派對,到賀圈中好友包括張家輝、劉青雲、 Sammi、安仔、楊千嬅、湯唯等,星光熠熠,場面墟冚過香港電影金像獎。多人俾面!壽星公生日飯局排住食,有份參演杜 sir新戲《華麗上班族》的男女主角發哥、張艾嘉,早前亦約埋壽星到中環開餐;飲飽食醉的杜 sir,離開時頂住大肚腩,褲鈕都爆埋!











打開褲鈕

杜琪峯周潤發張艾嘉這個「黃金組合」,八九年合作拍攝電影《阿郎的故事》,贏盡口碑票房外,發哥更憑此片奪得金像影帝。

一隔廿四年,三人最近終於再度合作。新片《華麗上班族》近月在廣州開工,因為轉景關係可以返港幾日,發哥、張艾嘉和在片中做美術總監的張叔平,決定趁此空檔,為杜琪峯慶祝生日。

「嗰晚佢哋一班人坐房,七點未夠開始,不過發哥同發嫂十點左右走先,其他人應該留到好夜。」當晚在同一食肆內的食客說。

發哥發嫂離開後,杜琪峯、張艾嘉等在餐廳歎紅酒煲雪茄, hea到淩晨一點,帶住醉意的杜 sir已經腳步浮浮,由老婆傍住行,只見他一手叼住雪茄,一手捉住張艾嘉,繼續講到手舞足蹈。

一餐飯食足五粒鐘,飲飽食醉的杜 sir,竟然連褲鈕都迫爆埋。

習慣早瞓的發哥發嫂約十點提早離開。

食完飯仲未夠喉,眾人企在商場門口繼續打牙骹。

杜生杜太(右)送曬一眾好友上的士後,才上七人車打道回府。

向來鍾意食好嘢的杜琪峯,生日飯更加唔就住,搞到大肚腩幾乎逼爆,褲頭兩粒鈕全部唔扣,唔使箍住,舒服啲!

過完杜琪峯生日,劇組今個星期初已拉隊上廣州,繼續開工。

「導演同發哥、張艾嘉雖然隔咗廿幾年先再合作,但佢哋好夾到,我哋跟咗杜 sir咁多年,但大家都覺得今次個 team好特別,好齊心。」一名工作人員說。

十年期票

「黃金組合」再續前緣,經此一役,據知三人已為「後會有期」傾掂數。

「有日開工佢哋傾開話幾時再嚟(合作)多次?發哥講笑話如果又要再隔多廿幾年,到時佢都七十幾八十歲, Sylvia(張艾嘉)就即場開咗張期票,話下個 project一定會係十年之內。」知情者說。

視杜 sir為恩師的 Sammi,當晚同安仔拍拖到場,二人更夾份買禮物送俾杜生杜太。

千嬅同老公丁子高拖實到場。

劉青雲夫婦年年都係杜 sir生日 party的鐵腳。

張艾嘉與杜 sir及發哥已約定十年之內再合作拍戲。

有份參演杜 sir新戲《華麗上班族》的湯唯,帶了爸爸畫的字畫做賀禮。



鍾意就快D Share啦!