探熱針
內地封殺 杜汶澤被消失《香港仔》
杜汶澤三月在 facebook力撐台灣反服貿學生，引起大陸網民不滿後，他再以「有本事阻止我來大陸」還擊，令事件火上加油；有內地電影公司隨即表明會對他進行全面封殺，內地活動及電視台亦相應拒用杜汶澤，而他有份客串的電影《香港仔》，戲份要全被刪走才可上映。
杜汶澤在內地，全走！
戲份全剪
彭浩翔執導的電影《香港仔》，在內地改名《人間•小團圓》，中港同步五月八日上映，連日來，幾個主角梁詠琪、楊千嬅及古天樂等中港兩邊走，導演巡迴在國內大學搞講座，只有同彭浩翔兄弟班的杜汶澤，不在陣！
「阿澤只係得幾場戲，但都要全部刪走，套戲先可以喺內地上，佢都知自己一身蟻，所以都唔敢出聲。之前俾內地電影公司老闆點名封殺，阿澤都已經有啲笠水。把口話唔恨賺人仔，不過如果入唔到大陸，就只可以拍純港片，其他合拍片一定唔搵佢，咁阿澤差唔多可以收工。」知情者說。
英皇放棄
杜汶澤口沒遮攔，連老闆楊受成的說話照當耳邊風，容祖兒早前突然發爛渣，公開在微博鬧爆杜汶澤「唯一討厭的圈中人」，都是楊受成開綠燈。
「呢幾年阿澤事業好順又搵到錢，好似黃秋生話齋，稍為環境好啲，又故態復萌語無倫次，之前佢同秋生公開互寸，阿澤扮曬大佬，私底下仲叫 Mani（霍汶希）嗌秋生收口。老闆想阿澤就咁算，不過佢唔聽，之後仲愈來愈激，同啲內地網民開戰；佢自己唔返內地唔緊要，最驚佢連累公司（英皇）其他人，所以先搵咗阿姐（祖兒）出聲閘停佢。阿澤仲有幾個月就滿約，聽聞上面都唔打算同佢再續約。」
據了解，前後得罪過吳君如、劉德華等人依然翻到身的杜汶澤早有部署，搵定老細打本開電影製作公司，仲 plan埋搞上巿，自己製作自己捧自己，不過，都係用人哋錢。
火頭處處
因為口臭得罪人，搞到冇朋友，更一度由當旺直插谷底，揚言洗心革面的杜汶澤，近年在社交網再度敢言活躍，再度惹火。
容祖兒
杜汶澤在伍樂城演唱會為搞氣氛，自爆數年前問楊受成攞錢開戲捧容祖兒做影後，結果反而是自己成為影帝，事後容祖兒在微博指阿澤人格差愛踩低人抬高自己，更有指阿澤在外唱劉浩龍是「垃圾」及「食軟飯」，辣㷫 Joey。事後阿澤一反常態，多次公開道歉。
|
鍾意就快D Share啦！
|
|
|