[FACE 366] 美圖秀秀開片 女神潮玩美拍 MF,

女神周秀娜試玩「美拍」時選咗黑白色，佢不斷換角度，但娜姐話只得 10秒拍片，好難發揮。

FBI

美圖秀秀開片　女神潮玩美拍

「美圖秀秀」令豬扒變靚女，成為唔少港女恩物，最近設計美國秀秀嘅公司 Xiamen Meitu Technology又有新 app推出，叫「美拍」。「美拍」最大賣點係可以拍一段 10秒嘅短片，並加入各種濾鏡和音樂襯底，令用家化身 MV主角，類似 Instagram嘅拍片方式。 FBI發現唔少女星好似 Dada、陳敏之同舒淇等都開始捧場。

其他影片：>>即玩美拍 10秒

咁神奇？ FBI搵咗陳嘉桓同周秀娜兩個女神試玩，有玩開嘅陳嘉桓話：「如果你想多人 like，除咗要個樣靚之外，片內最好加埋貓或狗。角度好重要，最好係高炒，咁先至靚。」不過周秀娜就話未適應：「嗰啲 filter（濾鏡）效果係幾靚嘅，不過我比較少玩，因為得 10秒真係有難度，都係 po相易啲。」

「美拍」 App成為近期免費 App排行榜 no.1，不過暫時只限 iPhone下載， Android機要遲啲先玩得！

陳嘉桓亦唔執輸先玩為快，佢仲教路話要「高炒」先影得番面尖啲，效果最靚。

索腿天後陳敏之一早已追上潮流，頻頻用「美拍」拍片 po上微博。

鍾意就快D Share啦！

下一篇 》