熱爆娛樂: [忽然1周 987] 瘦剩 110磅　鼻咽癌未斷尾　張達明中西合璧排毒張達明,MW,

2014年6月27日星期五

[忽然1周 987] 瘦剩 110磅　鼻咽癌未斷尾　張達明中西合璧排毒張達明,MW,

'14年消瘦

29/5西醫洗毒

當日張達明獨自到銅鑼灣一診所洗毒素，他沿途神情呆滯、面色暗啞，戴上 cap帽的他，全程冇被途人認出。

娛樂喧

瘦剩 110磅　鼻咽癌未斷尾　張達明中西合璧排毒

張達明三年前確診鼻咽癌三期，化療期間更出現重金屬中毒。吉人天相的他，休養九個月後宣布康復兼復出，除開班授演藝課程外，更在棟篤笑做出高難度吊環動作，搏命搵錢。

本刊收到消息，近月張達明病情再現惡化跡象，體重由 125磅直線下降至 110磅。日前本刊發現他頻頻就醫，以中西療法排毒素，情況令人擔憂。

其他影片：>>鼻咽癌未斷尾　瘦剩 110磅　張達明中西合壁抗病

'10年飽滿 140磅

張達明患病前精神飽滿，四肢靈活有力，與患病後有好大對比，除了頭髮變得稀疏，體重亦暴跌 30磅。

張達明患病期間，除了化療治病，亦同時服中藥抗癌，可是因食錯中藥導致重金屬中毒，傷及神經線，手腳至今仍經常麻痹。由於他執意盡快搵錢，即使未病好，去年九月仍宣布全面復出。

棟篤笑捱病

直至今年四月，張達明以嘉賓身份現身金像獎頒獎禮。當時打了粉底的他，看似精神奕奕，更在台上大聲說：「各位朋友，我返嚟」可是，正當外界以為他已全面康復之際，本刊卻收到消息，指他近日病情再度反覆，體重更由年初 125磅銳減至 110磅。知情人透露：「達明舊年話出番嚟做嘢嗰陣，身體都未完全康復。不過佢好心急話要搵錢。呢頭同肥谷（谷德昭）度劇本，嗰頭話要做導演，搵彭浩翔開戲，諗頭多多。但自從佢三月做完棟篤笑後，可能捱得太辛苦，搞到身體差咗。呢排都要留喺屋企休養，所有大計暫時都 hold起！」

胃口一般

張達明見完醫生就到附近一間小餐館用膳，他只點了一碗麵及熱檸水。記者見他最終只吃了半碗麵，胃口一般。

煞停新戲

張達明本來計劃與一班死黨如谷德昭和彭浩翔等合作開新戲，張負責度劇本，但奈何病情反反覆覆，惟有將新戲煞停。

頻密睇病

上月 29日下午三時，本刊發現張達明獨自到銅鑼灣京華中心一診所就醫。事後記者向診所職員查詢，職員指診所主要為癌症病人洗血排毒。而當日張達明在診所逗留兩小時後離開。記者所見，他除了兩頰凹陷、面色暗啞，手現青筋和容顏憔悴外，本身屬瘦底的他，比起四月現身金像獎頒獎禮當晚，顯得更消瘦。

翌日同樣時間，張達明再次動身、和太太何念慈到油麻地一中醫診所。據知當日醫師一早為他執好兩服排毒中藥，因此他只逗留了十分鐘取藥後便離開。知情人士指﹕「達明每星期都要去西醫診所除毒素兩個鐘，同埋每日要定時服食中藥，所以每隔兩日就要去中醫度攞藥。其實好多人包括醫生都唔建議佢中西合璧，但佢一直病情反覆，冇曬辦法之下，老婆就叫佢咩都試嚇！」

當日張達明前往京華中心 7樓的蕭建勳醫生診所，逗留了兩小時才離開。其後記者入診所詢問，職員表示診所主要是為癌症病人清洗毒素，而價錢按病情嚴重程度收費，每次$2000-$4000不等。

30/5中醫攞藥

翌日張達明和太太何念慈到位於油麻地彌敦道的安泰堂中醫館攞藥。醫師一早為他執好兩服藥，因此他只逗留了十分鐘就離開。

為仔女急賺錢

未完全康復便要急急復工賺錢，張達明可說有苦自己知。身為家庭經濟支柱的他，雖然早前已經賣樓套現減輕負擔。但租住何文田山道單位每月租金已要四萬，而且一對子女年紀尚小，張達明惟有復出，賺得幾多得幾多。「達明對仔女好乖，讀書成績又好，達明一直想等啲仔女再大啲，就送佢哋去外國留學，所以佢先咁心急！」知情人透露。

日前，張達明由寓所步出，對於身體再度欠佳，他回應時十分避忌，亦承認自己正接受中西治療。

記：記者　張；張達明

記：依家身體狀況點啊？

張﹕ Ok

記：我哋見你睇中醫又睇西醫？

張﹕梗係要睇一直都睇緊，過去幾年都有睇緊。

記：鼻咽癌好番未？

張（表現避忌）﹕我唔知…好番未，你哋都係問番醫生。

記：咁你依家仲要睇腫瘤科醫生？

張﹕唔係唔係，腸胃、手腳麻痹、鼻敏感，各樣嘢啦。

此時不欲多談的他，匆匆上車離開。