全城熱爆的娛樂八封新聞 & 時事趣聞 & 生活 + 趣聞
家陣皮包骨 周日（ 22日），袁彌明現身老銅鵝頸橋街頭，起勢呼籲市民投票。瘦咗成個碼嘅佢，加埋件黃色 tee，真係好似皮包骨。
媽咪姐同辣女有緣，啱啱撞完查小欣，喺 6.22，媽咪姐第一時間殺落位於銅鑼灣教協嘅實體票站，投下神聖一票撐普選！臨走嗰陣就撞正另一個辣女、人民力量主席袁彌明，佢同其他成員踩上票站投票。媽咪姐冇見袁彌明一排，發現佢成個皮包骨咁，佢話：「哎！我為咗搞呢單嘢，一個月瘦咗成十幾磅。」雖然佢瘦剩 95磅，不過媽咪姐都覺得佢個人開心咗，始終為市民抗爭，點都好過留喺大台同班小花鬥爭
樸素落區 一直拎開名袋上立會嘅袁彌明，今次特登孭住幾百蚊嘅 Jansport背囊，腳踏千蚊唔使嘅 Nike波鞋落區，鬼咁樸素。
深藏不露 不過又點會逃得過媽咪姐法眼，當日佢就戴住卡地亞鑽錶，十萬蚊走唔甩。
月初過百磅 月初袁彌明去咗《城市論壇》探討自由行問題，當時佢塊面圓圓，手臂有肉地，點都過百磅。 《蘋果日報》圖片
