電影公司要 Rainky「滅聲」，默認為《微交少女》露點， Rainky澄清有替身，惹來導演不滿。
娛樂喧
為牀戲與導演罵戰 蔚雨芯反擊：我有底線
「魔鬼胸」蔚雨芯（ Rainky）最近在新片《微交少女》飾演援交女，銀幕上更有大膽露點戲，不過為顧及形象， Rainky的露點場面其實由替身代勞。而正值上位中的 Rainky為免被人誤會，在電影宣傳時主動澄清露點另有其人，不料卻惹來導演翁子光不滿，更被他在微博直斥「唔專業」。 Rainky隨即還擊：「我是一個有底線的新人。」擺明針鋒相對。
今年 20歲的蔚雨芯（ Rainky）成為新一代「𡃁妹仔」，接拍《𡃁妹仔》續篇《微交少女》，飾演聾啞援交少女，戲中不乏被虐打的戲份，以及赤裸殺人的場面。初次拍電影的她，對《微》片寄望甚殷，被虐及性感場面，她都堅持親身上陣。但為顧及歌手形象， Rainky戲中的露點戲份，就改由北京替身負責。
導演微博開火
Rainky近日宣傳《微》片時，因多次提及片中露點戲是替身代拍，惹來導演翁子光不滿，直斥她「唔專業」。
Rainky母嚇親
隨著電影上映， Rainky的「露點戲」即成為焦點。不過 Rainky卻對記者表示戲中露點戲是替身，令導演翁子光不滿。「電影公司覺得 Rainky『露點』引到觀眾入場，本來叫佢唔好講露點戲係搵替身，但 Rainky媽咪睇完優先場後被嚇親，責罵 Rainky係咪露點，搞到佢要四圍同人解釋，避免家人與親戚誤會。」知情人士透露。
翁子光覺得 Rainky成日提住冇露點，令電影賣點減弱，於是他在微博公開鬧她「幼稚和唔專業」。 Rainky亦不甘示弱，在微博還拖，強調自己「有底線」，之後再話:「我也要給家人和朋友一個交代。」
面對導演指責， Rainky無奈地表示：「始終我係新人，有問題一定要先解釋，要對屋企人有交代。我相信觀眾睇完套戲會明白三級場面只係表面，導演其實係想表達嗰種寫實嘅感覺。」
至於翁子光亦默認不滿 Rainky:「其實 Rainky唔使下下提住有冇露點，我覺得太刻意。我都知佢仲係細路女，驚家人誤會，後來都面對面同佢講過，依家冇嘢」
冇得唱主題曲
由於 Rainky戲中飾演啞女冇對白講，為了補償，監製伍健雄同導演翁子光原本答應 Rainky主唱電影主題曲。 Rainky經理人公司更找了鄧智偉製作主題曲〈無話可說〉，拍埋 MV，共花了十多萬製作費。不過〈無話可說〉最後卻被抽起，無緣成為主題曲。
「呢部戲有一名投資者，佢好冧 Rainky，仲買過三百本 Rainky寫真。不過 Rainky唔想佢誤會，刻意疏遠佢。所以個投資者嬲咗 Rainky，改變主意，唔俾 Rainky唱主題曲，寧願用舊版《𡃁妹仔》嘅歌。 Rainky好唔開心，伍健雄都幫過口，不過都講唔掂。」
記者就此事詢問 Rainky經理人文滌，文滌句句有骨:「投資者冇咁小器啩？不過冇得唱主題曲，我就真係好似歌名咁，『無話可說』嘞！」
替身代露點
很多女星拍戲性感冇問題，但講到露點就冇得傾，當年葉子楣及米雪，都試過俾替身「移花接木」，無啦啦變成露點女星。
|
鍾意就快D Share啦！
|
|
|