全城熱爆的娛樂八封新聞 & 時事趣聞 & 生活 + 趣聞
黃卓玲揀麵粉個樣好迷惘。（遠睇又幾似樂小姐噃！）
重播又重播，真係亞視嘅絕招嚟㗎！好似呢半年嚟，《我和殭屍有個約會》喺亞視嗰兩個台 loop咗幾次，又令媽咪姐諗起第 2輯嘅「女媧」黃卓玲嘞。
話曬佢係杜琪峯過氣愛將，拍過《十萬火急》、《 PTU》呢啲大製作。不過自從 02年同黃秋生傳完緋聞，就咁冇咗影。唉！冇法話曬人哋係有婦之夫。不過黃卓玲都算好彩，淡出之後， 05年就嫁咗俾余姓商人，仲生埋仔，安心做少奶奶。 早幾日媽咪姐行開銅鑼灣有錢人超市，撞到佢喺度濕平。做全職媽咪嘅佢，真係唔簡單，由買米到醬料，每個成分都睇清睇楚，唔知以為佢揀緊老公㖭！簡直係百分百賢妻良母。
睇下黃卓玲幾謹慎，拎住袋麵粉睇咗近十分鐘。
黃卓玲早前同佢老公出席活動，兩個拖住手到場，曬恩愛。
《殭屍》又重播，黃卓玲同任達華呢個造型，依家好難再見。
