探熱針
紅館睇騷 陳慧嫻透視 101磅
相隔六年再企上紅館，四個月前體重仍是 125磅的陳慧嫻，跑步遊水，搵營養師設計餐單，睇中醫一個月，結果，減到 101磅上台。
要展示瘦身成績，個唱歌衫以透視高衩為主，為保持最 fit狀態，每晚做騷前只吃白飯，陳慧嫻嚴陣以待！
學友俾意見
還有兩年便五十歲，陳慧嫻在台上見到觀眾熱烈俾反應，便以她的樣辦哈哈笑聲作回報，幾十年不變。對住老友張學友，拖手抱抱，甚至嘴嘴，真情流露。
「同學友唔需要度稿講啲乜，我哋係心照嘅！」陳慧嫻說。
演唱會開鑼前一晚總彩排，學友亦有抽空到場俾意見。學友說，自己坐在台下，睇住與 dancers排舞的慧嫻，但他幾乎認唔出。
「我完全認唔到佢，因為佢跳得同 dancers一樣，身形亦一樣！嗰刻，我就放心曬！」張學友說。
同是出身寶麗金（環球唱片前身），二人一直以阿哥阿妹相稱，張學友更是陳慧嫻少有的圈中好友。
「慧嫻入行無耐就同區丁玉拍拖，嗰時佢眼中只有男友，好少同其他人出嚟玩，因為區丁玉係學友禦用監製，所以慧嫻同佢亦特別 friend，成日一齊食飯，就算依家遇到乜嘢問題，都會打俾學友。」知情者說。
前度醫生男友謝國麟偷食導致分手，再見不是朋友，但跟初戀情人區丁玉、甚至他的太太及囡囡，則保持聯繫。
「區丁玉有同太太、囡囡嚟睇騷，仲幫朋友買咗百幾張演唱會飛，真係好撐慧嫻！」一名工作人員說。
糖妹等握手
隔六年再開騷，陳慧嫻憑歌寄意，選唱《正是愛》、《心滿意足》。
「其實我非常非常之心滿意足。過去種種，我唔會再執著，未來嘅種種，我可以堅強坦然去面對。」緊接再唱出《今天的愛人是誰》。
握手環節時，坐在第一行的糖妹未等到陳慧嫻行近，已經企曬起身不停揮手，最終慧嫻走近她，還大嗌一聲：「糖妹。」少女版陳慧嫻，終成功握到手。
|
鍾意就快D Share啦！
|
|
|
