提起媽咪病情，芷晴落力唱好，仲話每日無論幾忙，都會去醫院探媽咪。
同你吟一吟
黃芷晴報喜不報憂
雖然黃日華連日唱好太太梁潔華病情，但八珍打探過，上期《壹》仔收嘅料，包括搵唔到適合骨髓移植，已經使咗超過二百萬，都係堅料。
華哥努力救老婆，囡囡黃芷晴亦幫手淡化媽咪病況。上個禮拜三（十八日），黃芷晴同朋友去又一城行街食飯，見到《壹》仔佢主動打招呼，介紹同行嘅係同學仔，大家好耐冇見，食完飯就會去醫院探媽咪，對於有關病情嘅報導，芷晴話：「媽咪嘅癌細胞一直有下跌，而家冇曬咁滯，保險夠俾曬所有費用，亦唔使換骨髓，至於幾時出院就要睇定啲先！」
但芷晴話媽咪出院都未必返屋企休養，因為有狗有貓，擔心受感染。八珍記得，黃日華對流浪狗好有愛心，好人有好報嘅，華哥華嫂華女，努力！
|
鍾意就快D Share啦！
|
|
|
