掃呢頁CODE去手機

2014年6月26日 星期四

[壹週刊 1268] 薛芷倫點都係驚 薛芷倫,M1,




三車連環相撞,冇化妝、塊面紅蔔蔔嘅薛芷倫,同其餘兩位車主落車講數。

同你吟一吟

薛芷倫點都係驚

上個禮拜,《壹》仔路經人多車多嘅中環皇後大道中,見到三車連環相撞,埋去八卦,發現其中一位車主係薛芷倫。當日肇事車輛包括一架七人車,一架藍色私家車,薛芷倫嘅 MINI坐駕正正夾響中間。三位車主冇受傷,七人車乜事都無,只係薛芷倫同尾隨嘅私家車車牌爛咗。

身為馬路之友,行車時不能跟車太貼係必然!薛芷倫夾正中間,條數點計都係最蝕底嗰個,好在其餘兩位司機唔想小事化大,大家當場簽下和解協議書,但薛芷倫已經緊張到 call埋囝囝 Justin到現場。

當日薛芷倫冇化妝,面、鼻、下巴紅蔔蔔,見到記者影相拍片,更加周身唔舒服,簽完協議書,即刻丟低囝囝踩油走人。另一日,薛芷倫化曬妝一個人行 ifc ZARA買衫,話之《壹》仔影完又影,兩個反應。《壹》仔都一樣,冇化妝,好驚;有化妝,仲驚!

阿媽有難,囝囝 Justin馬上出現,幫手善後。

唔想小事化大,三位車主決定交換資料兼寫下和解協議書,由薛芷倫親自執筆。

薛芷倫係唯一一個女司機,七人車車主主動幫手,了解薛芷倫坐駕損毀情況。

去 ZARA買衫,有化妝嘅薛芷倫,見到鏡頭,冇撞車當日咁避忌。



鍾意就快D Share啦!