8:15pm
橫掂都抄咗，八點幾先再返嚟攞車嘅許安，同班 salon髮型師吹多陣。
同你吟一吟
許志安過百萬擺街 豪俾你$320
收四千萬轉會舊老細黃栢高話事嘅太陽娛樂後，三年冇開個唱嘅許志安開曬口話希望盡快開到演唱會，亦積極儲新歌做好開騷準備，為求過檔頭炮好好睇睇，喪兄個多月嘅佢，好快收拾心情，重投工作。
上星期二（六月十七日），五點半放工時間，許安自己揸車去咗中環整頭，貪方便唔泊停車場，就咁將架過百萬 Benz C63，擺低響有司機喺度可以停一停，但唔可以長泊嘅擺花街。二十分鐘後，果然就有警察走埋去，招呼佢架靚車。
整頭扮靚仔，幾粒鐘走唔甩。許安上樓一個鐘後，搵 salon職員落街幫佢望嚇架車；安全！冇俾人拖走，只係多咗塊牛肉乾。八點幾，終於搞掂走得。早已知道俾人抄牌嘅許安，行埋去掹走夾喺水撥嘅告票，上車閃。
許安明知故犯，政府庫房又有進賬，多謝$320！
|
鍾意就快D Share啦！
|
|
|
