網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年6月18日 星期三

[FACE 369] 唔打得 勁錫身 古仔 hea打 余文樂堅撞 古仔,余文樂,古天樂,MF,




古天樂同黑幫大佬張孝全好似打得好肉緊,但拍完正面,就即刻有替身 stand by。

真面目

唔打得 勁錫身 古仔 hea打 余文樂堅撞

今年戲接戲嘅古天樂,最近趕拍林嶺東執導嘅新戲《暴走迷城》,戲入面同余文樂做兩兄弟,同飾演台灣黑幫大佬張孝全有唔少打鬥場面。

三位型男鬥打,余文樂第一日開工就拍撞車戲,仲唔用替身搞到爆缸;至於古天樂就錫身得多,有個替身全天候 stand by,真係天王待遇呀!

替身 stand by

古仔替身一早已經企定喺隔離候命,準備隨時上陣替補。

43歲嘅古天樂除了撈埋電影後期製作外,仲愈接愈多戲,單在上半年間,已經有 6部電影作品上映,下半年又有 6部電影排住開拍,所以今次《暴走迷城》雖然要由頭打到尾,但危險動作都交畀替身完成,以免有損傷接唔到戲又賺唔到片酬。

撞車爆缸

拍完《竊聽風雲 3》及《 Z風暴》冇耐,仲未做完宣傳,古天樂已經要為新戲《暴走迷城》開工。

上週四( 12日),大隊去到九龍灣海傍拍外景,講述張孝全帶領一班台灣黑幫追殺余文樂,全程車追車貼到實,搏到盡的余文樂一於少理,撞車位仲親身上陣,最後搞到擦傷「見紅」;而飾演台灣大佬的張孝全滿面鬚根「佬」味十足,不過身型就好 fit。

雖然唔使點鬱,但三十幾度著住套西裝,都咪話唔辛苦呀!

飾演張孝全其中一位台灣黑幫,原來是香港的動作演員羅浩銘,大隻佬仲拍過《激戰》、《魔警》和《 Z風暴》等港產片。

留力拍《逃 2》

至於大熱天時仲要著住西裝嘅古天樂,喺馬路中間同張孝全對打,不過拍完正面鏡頭,其他高難度打鬥場面,就交俾隨時侯命的替身,動作片都如此厚待,認真爽爆。

據知,古天樂現時已經接下超過 6部戲,其中一部更係高體力消耗的《逃出生天 2》,為確保有足夠體力應付,古仔梗係要留力啦。

第一日拍攝就要追車,余文樂全程親身上陣,就連撞車一幕都堅持唔用替身。

爆缸都要自拍,余文樂仲即刻放上網「呃 Like」。網上圖片

五、六架車緊貼余文樂,雖然有特技人傍實,不過呢場飛車戲都幾危險,要封路拍攝。

唔使埋位,余文樂同張孝全雞啄唔斷,唔知樂仔有冇帶張孝全去蒲見識嚇呢?

開行 turbo

今年古天樂拍下 12套電影,名副其實由年頭拍到年尾,下半年更接埋話題人物彭順的《逃出生天 2》,所需要的體力和精神最大。近年甚少拍動作片的古仔,拍危險戲時都盡量用替身,減少受傷機會。

《竊聽風雲 3》

古天樂、劉青雲和吳彥祖再度合作《竊聽風雲 3》,古仔飾演大地主曾江的司機,文戲居多。

《香港仔》

古天樂在《香港仔》中與梁詠琪飾演夫妻,套戲被視為明年「金像獎」黑馬。

《 Z風暴》

《 Z風暴》飾演廉政公署執行處首席調查主任,古仔同陳靜仲有感情戲份。

《單身男女 2》

《單身男女 2》古天樂和高圓圓有得留低,拍住新加入的楊千嬅和周渝民,又係今年上映。



鍾意就快D Share啦!