買書惡補
上週二（ 10日）黃秋生喺書店不停搵上海話自學書，但一直搵唔到，為咗套新劇，秋生可以去到好盡。
真面目
話曬事 藐古裝街 要上海拍 黃秋生返大台嫌錢少
近年大台小生買少見少，個個寧願北上搵人仔都唔想踎大台捱世界。又係嘅，粗製濫造冇質素膠劇，市民都唔想睇，藝人又點有心機拍？
份屬無綫監製王心慰老死的黃秋生，最近畀面老友答應演出新劇《裊雄》，不過演戲經驗多多的黃秋生為咗提升劇集質素已經定曬規矩，每日最多拍 9小時，更要求外景全部要在上海拍攝，劇本亦要先畀佢過目。對新劇非常認真，但秋生其實嫌大台出手低，向本刊呻：「我唔知阿湯（同劇湯鎮業）收幾多，我就好少啫……。」 10萬 1集，加埋都可以穩袋 3百萬，以大台作風，唔算低
由王心慰監製，將於本月底開拍的新劇《裊雄》重金禮聘，請到已超過 10年冇拍大台劇的影帝黃秋生擔正做「男一」，劇未開拍，已傳出秋生哥要求多多難服侍。
堅持上海外景
向來做事認真的黃秋生，於月前答應好友王心慰拍《裊雄》一劇，不過老死還老死，秋生定下的規矩，一樣要跟到足。
無線拍的民初劇，外景大多於南生圍、飛鵝山，甚至大台內的古裝民初街取景，出名認真的黃秋生在答應參演前，已講到明：「為咗件事好，外景一定唔可以馬虎，要去上海拍。」王心慰曾經都提出過若只是門口、走廊等鏡頭可以返廠補鏡，但都被秋生一口拒絕。
除了場地要絕對認真，秋生亦拒絕超時工作。據知秋生要求每日只開一組（ 9小時），要求演員每天要有 10小時休息時間。以大台的習慣，一般 30集劇集約需 2個月便可拍完，但加入秋生的要求後，初步計算時間已被延長最少一個月，單在上海逗留的時間便最少要 1個半月。時間長咗，錢亦使多一半。
「講錢無謂啦」
秋生要求多多，其實都係想提升新劇質素，所以他已要求開拍前，劇本要經他過目。「秋生每個要求都係話為咗做好件事，即使佢要求睇曬劇本，王心慰都明白。秋生始終經驗，各方面都優勝，俾佢睇完，改動嚇點都係一件好事。不過最擔心，係套劇會因為佢嘅種種要求而拖慢曬。」知情人士說。
開口埋口做好件事，上週二（ 10日），秋生現身銅鑼灣書店，期間多次向店員查詢學上海話的書籍，三層高的書店都被秋生行勻，最後秋生都有收穫，不過真正想找的上海話書，就要店員幫手訂購。記者上前問他是不是收了很高酬勞拍《裊雄》？秋生好謙咁話：「我唔知阿湯（同劇湯鎮業）收幾多，我就收好少啫……講錢無謂」
《裊雄》將於上海取景，故事以民初鬥爭為背景。秋生自動自覺去學上海話，雖然未知用唔用得著，但至少，認真過求其大台好多
外援救劇
小生走嚇一個走嚇一個，如今要搵一個小生有收視保證根本冇乜可能，點可以唔請外援呢？過往大台搵過 Chilam、吳鎮宇、張兆輝等中生回巢幫拖，收視至少見得嚇人。一分錢一分貨，為收視，大台多多錢都要畀
吳啟華
近年主力北上拍劇， 48歲嘅吳啟華，去年以 6萬 1集接拍《 On Call 36小時 II》，緊接仲有志偉出面邀請嘅《 M Club》，雖然酬勞少過內地，不過喺香港入嚇屋，都有著數。
|
鍾意就快D Share啦！
|
|
|