火紅色泳衣唔算低胸，不過剪裁好蝦人着，肥少少都着唔到，燈光下 JM就疑似凸點， JM解釋只係角度問題。
真面目
新作風 3,000萬泊新碼頭 JM凸住剝
今年 5月， Janice Man文詠珊約滿 AMusic後，即以三千萬高價轉會到 Paco黃柏高的太陽娛樂，本週五（ 25日）將舉行大型加盟記者會。
難得走得甩， JM呢舖博到盡，日前拍攝一段 15秒的 trailer， JM入行以來首次性感演出，高叉泳衣露籮邊外，其中一個 shot更疑似凸點。 25歲 JM去盡改革，原來性感都得喎！
太陽娛樂背後撐腰， JM自組品牌做埋老闆，入行 7年， JM終於可以自己話事。一向唔肯露肉嘅 JM，竟然提議拍攝一段 15秒的 trailer造勢，講明可以去到盡。
「真係最性感！」
「今次真係去大咗，都係抱住個心態試咗先啦，畀自己睇下接唔接受到，總之靚就得」 JM說。
今次美指搵咗幾套一件頭泳衣，準備在 trailer最後出現，結果 JM竟然揀咗最少布的火紅色泳衣，在燈光下更疑似凸點。 JM說︰「前後拍攝咗 17個鐘，我自己唔多覺喎，可能件衫剪裁同角度啫。」
宣傳 trailer會出現 3個不同的 JM，由長裙玉女 look，到最後泳衣逐件剝，「今次真係最性感一次，由 poster到 trailer都有參與，尺度已經好大，不過覺得啱 timing試新嘢，有自己性格又有型格性感。呢兩個半月 keep住身形， 6點後就唔食澱粉質，都減咗 5、 6磅。」雖然離開 AMusic，但 JM仍然多謝舊老闆黎明，「佢仲拍緊戲，等佢返香港會約佢食飯，我有呢個決定，佢都好支持我、鼓勵我，我真係好感激。」多個朋友好過多個敵人，叻女！
|
鍾意就快D Share啦！
|
|
|