[FACE 374] 潮界撈掂 JM舊仔冧唐貝詩賣袋 唐貝詩,文詠珊,JM,MF,

李冠峰同唐貝詩識咗冇耐，但今個月唐貝詩 26歲生日，佢都有畀面去對方生日會。睇下個樣，又肥仔咗喎！

FBI

潮界撈掂　 JM舊仔冧唐貝詩賣袋

Janice Man（文詠珊）終於脫離黎明魔掌，即將加盟太陽娛樂旗下嘅新公司，喺影圈大展拳腳， JM仲話新公司俾佢好大自由度，可自組班底負責日常工作事務。

JM事業慢慢衝上雲霄， FBI聽聞佢嘅舊愛李冠峰（肥仔峰）亦喺潮界愈撈愈掂。除咗自家品牌 CHOICE有 3間分店，今年佢仲入咗股去另一間叫 Lux嘅潮店，開咗十幾間鋪。甩 JM後多多搞作嘅肥仔峰，最近亦透過朋友識咗寇鴻萍大女唐貝詩，傾掂對方幫佢嘅品牌設計聯乘手袋。 FBI仲聽聞，肥仔峰原本仲計劃緊 9月喺東京舉行嘅 Tokyo Girls Collection搞品牌騷，搵 Lydia行 catwalk，但由於同主辦單位未傾掂細節，惟有下季再嚟過。

李冠峰的潮店喺潮流特區有分店。 JM初入行時，亦幫男友做埋 model，示範男友品牌嘅帽。

網上圖片

肥仔峰今次同 Lydia聯乘嘅 CHAIN BAG， Lydia特別喺袋加上一塊小鏡方便女仔照鏡。新袋除咗喺李冠峰嘅潮店有售，唐貝詩同屋企人搞嘅團購網亦有得賣。

李冠峰係 JM中學時代嘅男友，即使 JM入咗行，二人仍繼續拍拖。二人經過多次分手復合，終於喺上年正式分手。

鍾意就快D Share啦！

下一篇 》