千嬅捱義氣拍古仔投資嘅新片，要佢對住班小朋友開工冇乜難度，不過唔係親生，點都冇咁落力照顧。
媽咪姐
古天樂慈父上身
最近有話鄭秀文怕老公許志安呷醋，推咗由古天樂投資嘅電影《 5個小孩的校長》，搞到古仔要臨時打友情牌，搵楊千嬅執手尾。媽咪姐就覺得只要劇本好，女主角係邊個有乜所謂吖！
周三（ 30日）古仔就安排台前幕後搞咗個拜神儀式，祈求開工順利。媽咪姐去到現場，見到古仔對班小演員服侍周到，真係有啲估佢唔到！好似佢為咗等班小演員都可以切「豬」，就另外訂咗個「豬頭蛋糕」。之後安排佢哋跳舞，古仔就忙住企埋一邊準備雪糕。見到有位外籍妹妹整污糟隻手，古仔仲即刻問人攞紙巾幫佢抹㖭。就連做咗人哋阿媽嘅千嬅，都冇古仔咁細心囉！不過咁，古仔話晒今年都 44歲，係時候諗下結婚生兒育女問題，學定湊小朋友都啱㗎喇！
|
鍾意就快D Share啦！
|
|
|