[忽然1周 992] 山西拍片鬧鬼 徐嬌嚇到喊 張兆輝：拜神求安心！ 張兆輝,MW,

在圈中打滾了 32年的張兆輝，最近拍鬼片殺出新血路，仲連封兩次影帝㖭！

娛樂喧

山西拍片鬧鬼　徐嬌嚇到喊　張兆輝：拜神求安心！

張兆輝演出的電影多是正氣凜然的警匪片，但早前他憑新作《恐怖在線》成為雙料影帝，開闢了一條發財「鬼」路。

7月初，張兆輝接拍彭發執導的靈異片《替身》，與女主角徐嬌前往山西縉城，一座有過百年歷史的古宅進行拍攝。由於臨近鬼節（盂蘭節）拍鬼片，彭發開鏡前已進行拜神儀式，不過怪事依然發生。先有劇組人員在古宅內聽到女人哭聲，徐嬌亦因為拍撞邪戲精神受困，更有替身流血事件及彭發中暑不適。

彭發為令大家安心，日前在古宅門前兩度拜神，主角張兆輝則說：「拜神都係求安心啫！」鬼節就快到，有時真係寧可信其有。

歲張兆輝憑電影《恐怖在線》在聖地牙哥獨立電影節及 Accolade Global Film Competition獲最佳男主角殊榮。最初一心想挑戰自己膽量而接拍恐怖片的張兆輝，以往從未奪影帝，估不到他因為拍鬼片而受注視。今次他在另一鬼片《替身》與 17歲的徐嬌首次合作，飾演由細睇住徐嬌長大的世叔伯。劇組在山西縉城某幢有過百年歷史的古宅內取景拍攝。

鬼片、古宅再加鬼節將至，眾演員及工作人員一抵步已進行開鏡拜神儀式，但開拍不足兩星期，便接二連三有意外發生。

醫生也撞鬼

張兆輝 7月初為彭發執導的鬼片《替身》開工。以往拍港產片大多數演警察的他，今次飾演一名醫生，都係專業人士。

誠心上香

拍鬼片唔多唔少會騷擾到靈界的朋友，故彭發在屢遇意外後，即時安排台前幕後誠心上香拜神，希望不會再有怪事發生影響拍攝進度。

現場有女人哭聲

嚇呆徐嬌

徐嬌 06年拍《長江 7號》，當時只有 9歲的她飾演星爺個仔，現在她已亭亭玉立，以長髮 look拍鬼片。

據劇組人員透露：「其實真係幾邪！大熱天時古宅一啲都唔覺熱，仲好陰涼㖭。因為好多戲份都係深夜先拍，氣氛好恐怖。有次徐嬌演撞鬼戲，收音師話聽到現場有女人喊，徐嬌嚇到呆咗，有場戲佢仲驚到喊咗出嚟！前幾日有場淋雨嘅車禍戲，輝哥（張兆輝）個替身爆缸流晒血要入院，明明事前已經做足安全措施，檢查咗幾次都冇事。之後就連導演都無端端中暑，大家都覺得有啲唔老黎。」為求令所有人安心，劇組終於進行第二度拜神儀式。

徐嬌今次在片中以一個嶄新清純少女 look示人。年紀輕輕拍鬼片已一點都不易，她還要一人分飾兩角，對演技絕對是很大考驗。對於拍攝期間遇怪事，她亦在微博表示：「經過了十天的拍攝，我已經充分感受到了整部片的氣氛。」

在戲中疑似撞鬼的徐嬌，演技逼真場場驚餐飽。對於拍攝期間聽到現場有女人喊聲，徐嬌嚇到呆，之後更突然嚎哭。

彭發中暑

拍鬼片響朵的彭發，近年與大佬彭順分開發展。因為拍新片時劇組屢出意外，就連自己都中暑不適，所以他在微博上表示希望餘下的拍攝可以順利。

愈邪愈攞獎

仍然身在山西進行拍攝的張兆輝，看來已經習慣了拍鬼片，他透過助手回應：「知道憑《恐怖在線》攞咗兩個影帝獎真係好意外，拍鬼片都得到大家認同好開心。今次拍彭發導演套戲，拍攝過程係有少少意外發生，不過唔好太敏感，本身唔太迷信，加上以前喺電視城拍劇時，都聽過唔少鬼古。拍得鬼片現場氣氛當然要陰森啦，加上呢度係古城，經歷咁多年時間同歷史，依家已踏入農曆七月，我哋都有拜神，都係求個安心啫，之後一路都好順利吖！」套戲會拍至八月中，到時鬼門關已大開，希望順利到尾

日前張兆輝與徐嬌拍攝一場雨中撞車戲，張的替身竟在做足安全措施下受傷。事後張兆輝大為緊張，幸好對方很快便可以出院。

替身爆缸

山西古城取景

電影在山西歷史悠久的縉城內取景，張兆輝與徐嬌大部分時間都在古宅進行拍攝。到深夜時分，古宅內雖然滿布劇組人員，但氣氛與布局依然恐怖。

深夜開工

百年古宅

拍出新鬼路

張兆輝早前憑新作獲頒聖地牙哥獨立電影節最佳男主角獎後，日前又獲得 Accolade Global Film Competition最佳男主角殊榮，成為雙料影帝。

他在《恐怖在線》飾演的警察，時常接觸到鬼怪事物及靈異事件，與飾演年輕探員的蔡瀚億（ BabyJohn）組成靈異孖探，主力調查死屍奇案，查案時不時見鬼。電影靈感取材自屯門汀九村巴士墜橋慘劇及農曆 7月 14日屯門友愛邨紅衣女跳樓的真人真事。電影原本在 9月 4日上映，不過電影公司特別安排在鬼節農曆七月十四日當晚（即 8月 9日）舉行優先場。

鍾意就快D Share啦！

下一篇 》