[忽然1周 994] 箍煲做騷 李思捷當街爆粗 思捷,李思捷,MW,

一個就搏晒老命晒事業線，另一個就死 chok爛 chok扮劉華，做騷呢家嘢佢哋真係天生一對！

媽咪姐

箍煲做騷　李思捷當街爆粗

李思捷喺圈中嘅「雜食王」形象，應該冇人挑戰到佢。陳雅倫、李思蓓同胡杏兒之外，依家仲傳埋人妻萬綺雯。之但係咁，嗰頭俾人影到疑似激咀「萬二蚊」，呢頭就拖住「掟極唔散」嘅女友王寶寶（春卷）出嚟，難得春卷又唔介意陪佢做騷嗰下好嘢喎！

嗱，呢日李生又劉華上身，山長水遠同春卷去到銅鑼灣 city'super（佢哋住何文田㗎），咁高調都係想話俾全世界知，佢同人妻冇嘢。但係咁，佢同春卷入到間舖，菜都冇買條，就去咗揀煲，拎上手玩完一輪，又係唔買放低走人噃。

騎呢揀煲

佢哋連菜都冇買條，反而就揀咗個煲，想點先？最新箍煲方法啊？

李思捷疑似激咀完「萬二蚊」之後，特登拖春卷出嚟做番場騷，但係女友胃痛到「藐」晒嘴，佢理都冇理過！

做騷上癮

李思捷上年啜爆陳雅倫被人影到，又係拖春卷行商場做騷。悶啲喎！

媽咪姐見佢哋行咗咁耐都冇乜兩句，一個四圍望一個扮型，咪同佢哋打個招呼囉。點知提起「萬二蚊」個名，李思捷就即場爆粗﹕「 Fxxk You！」。媽咪姐同「萬二蚊」都好 friend，唔想煩到當事人，先至問句啫，咁都要俾李生問候，真係提醒朋友要帶眼識人囉！

李思捷不嬲識食，睇佢同班女星擺呢啲甫士，幾 enjoy！

「萬二蚊」同陳十三結婚多年，都咁恩愛。估唔到李思捷連人妻都唔放過。

鍾意就快D Share啦！

下一篇 》