晒人魚線
早前陳七右手曾受傷，但為溝女，他仍赤膊上陣，大晒人魚線。
娛樂喧
背未婚妻溝女 陳七肉照色誘𡃁模
港隊足球代表陳七（陳肇麒）風流史媲美大台小生，經常被傳媒發現背住正印 Toby與𡃁模約會及爆房。今年六月，情場浪子終宣布與 Toby訂婚，表面看陳七已修心養性。不過，其實浪子沒有回頭，只是暗度陳倉繼續溝女，更玩埋肉照色誘呢招。
本刊收到消息，陳七今年 4月暗溝任職模特兒的 M小姐，直至 M小姐從報章看到陳七婚訊，才驚覺受騙。至於未婚妻 Toby對於男友有第三者更懵然不知，難怪 Toby雖然死撐信任男友，但亦忍唔住爆了句︰「要質問一下！」
陳七生性花弗，雖然與 Toby拍拖兩年多，但他依然四出獵食。「陳七恃住 Toby忍得，明知佢去溝女， Toby都當睇唔到。所以佢一直都到處留情，預咗就算東窗事發，只要向 Toby認吓錯冧吓女友，就會過到骨。」知情者說。
兩人雖然 6月已經訂婚，但陳七未停過 WhatsApp溝女，更漁翁撒網，將自己的半裸照傳給心儀𡃁模， 4月卒之成功溝掂模特兒出身的 M小姐。陳七帶 M小姐見朋友時，更以「女朋友」稱呼她。不過上得山多終遇虎， Toby終於發現男友偷食，更罕見地大發雷霆。陳七為𠱁Toby，於是和她去旅行，更在旅行期間訂婚，但就未定婚期。
直至傳媒報道陳七與 Toby訂婚， M小姐才知自己做了小三。不甘被騙的 M小姐，向本刊提供了三張陳七 WhatsApp她的半裸照，照片中陳七騷肌兼晒巨鵰。本刊聯絡 M小姐，她透過 WhatsApp回覆，承認與陳七拍拖。已決心分手的她，表示陳七被她踢爆訂婚後，仍想一腳踏兩船：「（最初）佢話佢冇女朋友……（後來）佢話佢哋冇感情，佢結婚係責任……大隻男都係花心！」
生 B箍陳七
本刊早前向陳七未婚妻 Toby展示陳七 send俾 M小姐的色誘半裸照， Toby死撐話可能有女仔暗戀陳七，但幫男友兜多兩兜，又忍唔住寸爆：「要質問一下！」
記：記者 T： Toby
記：陳七 send半裸相俾女仔喎！
T：哦！呢啲係廣告相，社交網站都有。
記：有個𡃁模收到，話係陳七 send俾佢。
T：收到？要睇吓乜嘢朋友囉！
記：佢 send啲咁嘅相俾其他女仔，你唔介意？
T：我唔會介意。
記：佢用嚟追女仔喎？
T：咁……我就唔知喇，可能個女仔暗戀佢囉……要質問一下！
記：你好信任佢？
T：好信任，如果唔係都唔會行到呢一步啦（指訂婚）。
記：佢之前被傳媒影到同女仔去爆房喎！
T：呢啲都係過去咗嘅事，之後佢俾我身邊嘅朋友、家人好穩定嘅感覺。
記：佢修心養性未呀？
T：嗰時（指之前）可能大家有問題，但係都已經過咗去喇，希望媒體俾機會佢。
記：婚後會否生 BB箍住佢？
T：一個家庭有 BB係好正常，話唔定佢想箍住我呢！
有信心是好，不過陳七咁花心， Toby又衰心軟，睇嚟都係俾未婚夫食硬！本刊曾致電陳七，截稿前仍未聯絡到他。
Ｍ小姐爆陳七溝女招
M小姐接受本刊 WhatsApp訪問時，清楚交代自己與陳七相識的經過，以及陳七扮冇女友、帶 M小姐見朋友及見家長，扮晒認真。就算被踢爆已訂婚，陳七仍以與 Toby「冇感情」為藉口，希望一腳踏兩船。如果陳七踢波都係咁叻，香港隊應該有救！
專𠝹𡃁模
雖然陳七係運動員，但講戰績，佢溝女叻過踢波，更因此而頻頻出現於娛樂版。
2012 5月
Emily爆房
陳七被發現與𡃁模 Emily去酒店爆房個多小時。後來陳七開記招落淚認衰，但仍無奈離港，要去內地落班踢波。女友 Toby竟原諒陳七。
|
鍾意就快D Share啦！
|
|
|