探熱針
星爺選角 報名第一 Barbie：做鹹魚都制
星爺周星馳日前宣布打算在中、港、台為新戲《美人魚》進行演員招募，一班港女包括 gathering Coffee、 38H崔碧珈以及全裸郭思琳開到口想爭住做星女郎外，擁有 36G導彈胸的寸嘴 Barbie同樣無蝕底，更拍片自度騎呢 rap歌第一個報名參加比賽。
經過一輪網上投票，截至本週二（八月十一日）中午十二點， Barbie獲得二十八萬票數，排第六位，跟首位三十一萬票的參選者距離唔算遠。不過 Barbie今次唔敢寸嘴，更引用星爺的「無理想同做鹹魚冇分別」的經典對白說：「有得做，我做鹹魚都制。」
再攻星爺
寸嘴 Barbie自爆並非第一次試鏡周星馳電影，年前星爺為電影《西遊•降魔篇》搵演員，當時失戀 Barbie雖然踴躍報名，但最後敵不過娜姐周秀娜。
上週四（八月七日），屢敗屢試的 Barbie在三十四度高溫下，在深水灣著住七彩泳衣逼爆 G奶拉票攻星爺：「我係有 cast過《西遊》，但當時冇俾佢（星爺）揀中，希望有多啲拍攝經驗，會覺得我有另外嘅潛質可以被發掘。我其實同星爺有同樣優點，就係一樣咁無厘頭，我唔介意醜化自己去配合角色，呢個係一個優勢。」
靠無厘頭突圍， Barbie於是自度國語 rap歌，一味「嗨、嗨、嗨……」在泳池邊唱邊騷身材，最後更扮美人魚，直插入水。
「一聽到美人魚三個字，我會聯想到可以 rap，可以投奔愛河，呢個都係一個唔錯橋段。我係即時 rap出嚟，因為之前喺台灣拍戲，覺得自己國語都 OK，足以應付一段簡單嘅 rap去介紹自己。」
胸大無腦
即使騎呢 rap歌過到關，但失戀暴脹十磅的 Barbie，外形上有排追！「其實係唔小心肥咗，我覺得做一條 big fish都幾可愛，未必係傳統美女先入美人魚類別， cute cute哋都好可愛嘅。」但唔夠一陣又轉口風：「我會努力減肥，希望可以盡快以最佳狀態示人。」對於被指胸大無腦，她反擊：「我絕對唔係胸大無腦，平胸都唔見得係天才，大家都覺得我有小聰明㗎。」
自信滿瀉，到本週二， Barbie知道自己得二十八萬票排第六，馬上發表選情告急言論：「而家未必入到 final round，希望大家繼續投我票，不過就算做唔到美人魚，扮海草海星，甚至做鹹魚都制，總之好希望參與呢部電影。」落足鞋油的 Barbie說。
賣大包
爭做星女郎，香港女藝人各出奇謀，施展渾身解數，不過都以 sell身材賣大包為主。
|
鍾意就快D Share啦！
|
|
|