網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月14日 星期四

[壹週刊 1275] 真識食 扮英雄 博好感 崔建邦𥄫中蔡思貝 蔡思貝,崔建邦,M1,




探熱針

真識食 扮英雄 博好感 崔建邦𥄫中蔡思貝

屢獲無綫放生的崔建邦,近年事業未見起色,但溝女卻交出亮麗佳績,除繼續與拍拖九年的唐詩詠關係糾纏不清,最近主持《瘋狂夏水禮》,近水樓台𥄫中去年港姐亞軍、現年二十三歲的蔡思貝。

到內地外景拍攝期間,蔡思貝因頻頻 NG,被另一主持林曉峰當面糟質,搞到匿喺酒店房偷泣,崔建邦即時英雄上身,公開護花,搏蔡思貝好感。

溝女溝出面,崔建邦飲大兩杯後,更向工作人員直認:「我好鍾意呢個女仔(蔡思貝)!」三十五歲崔建邦,果然識食。

酒店房爆喊

外表甜美的蔡思貝,當選港姐後深得無綫高層余詠珊關照,主持、拍劇雙線發展,工作浪接浪,可惜表現追不上得寵度,被幕後工作人員封為「 NG王」。

「蔡思貝咁新,又要拍劇,又唔夠經驗,表現差過阿 Lo(林曉峰)同 Amigo(崔建邦)都好正常,但佢次次都將一句對白分三截講,食螺絲食到飽,加上拍《瘋狂夏水禮》,全部室外景,又熱又曬,阿 Lo把口又唔收,成日窒蔡思貝:『喂,你第一次做主持?』又專登掟佢落水,玩到佢盡。」知情人說。

俾林曉峰當面糟質,蔡思貝表面任玩唔嬲,實質夜晚返到酒店經常忍唔住爆喊,輾轉從同事口中知道「女神」偷泣的崔建邦,決定把握機會借安慰以及私人教授司儀技巧做藉口,製造二人獨處機會。

拍《瘋狂夏水禮》時,蔡思貝經常被林曉峰糟質,不時將她推落水,她次次都向崔建邦求助,拉住他的手借力,崔建邦簡直成為她的英雄。

蔡思貝近期既要做主持,又要拍新劇《衝線》,不夠時間預備,日前她跟沈震軒拍戲時狂 NG,搞到沈震軒黑面。

其實唐詩詠跟蔡思貝的樣子頗為相像,崔建邦口味一致。

早前唐詩詠跟古天樂拍戲傳緋聞,崔建邦即時挺身幫她澄清,可見二人關係密切,一直糾纏不清。

酒後吐真言

「 Amigo溝女經驗老到,條女當晒佢係好人。之後蔡思貝每次 NG,如果有人黑面, Amigo就會大大聲幫口:『人哋係新人, NG咪嚟過囉!』平日佢邊有咁好死!有晚收工去飲嘢, Amigo飲大兩杯仲自爆冧蔡思貝,其實佢唔講,明眼人都睇得出佢嗒晒糖啦。」知情者說。

知道蔡思貝討厭打機宅男,鍾情上進型男性,為討好女神,崔建邦拍攝時表現分外積極,又標榜自己唔鍾意打機鍾意打泰拳,以上進拳王形象博取蔡思貝歡心,崔建邦果然用心良苦。

靚女多人追,蔡思貝近期傳跟鄭俊弘撻着,孖住睇騷。

冧女環保招

唔靚仔、又唔係富二代,但崔建邦憑三寸不爛之舌,即使溝女招數來來去去得嗰兩三招,一樣冧到女。

做柴可夫

崔建邦追求唐詩詠和鄺敏慧期間,日日做「柴可夫」,接載女方出出入入,加上有耐性,呆等幾粒鐘接收工都無怨言。

煙韌短訊

當年虐打「中巴」鄺敏慧,女方公開崔建邦以骨痺短訊奪芳心。

死纏爛打

每次翻撻唐詩詠,崔建邦總以短訊攻勢打頭陣,更試過在女方生日前一個月,日日傳短訊送上祝福,又叫朋友出面約唐詩詠出街,憑苦纏加誠意,每次都翻撻成功。



鍾意就快D Share啦!