熱爆娛樂: [壹週刊 1275] 兩億大屋冇份　劉華父母搬開住劉華,劉德華,M1,

2014年8月14日星期四

[壹週刊 1275] 兩億大屋冇份　劉華父母搬開住劉華,劉德華,M1,

探熱針

兩億大屋冇份　劉華父母搬開住

一向私生活保密的劉德華，年前改裝兩億加多利山相連獨立屋，打造成滴水不入的安全堡壘，讓寶貝女劉向蕙在超豪小天地成長。

為照顧兩歲小孫女，同樣住在加多利山的劉華父母，日日都去大屋湊孫，可惜有得睇、冇得住。據知，同樣對獨立屋情有獨鍾的劉爸爸，開到口住加多利山住到悶，想天王乖仔科水買全海景大尾篤豪宅，做養老屋！

其他影片：>>兩億大屋冇份嗌買豪宅　劉華父母搬開住
>>父母養老屋變安全屋　劉華聲東擊西護囡囡
>>劉華掃磚頭唔益父母　朱麗倩揸大鎖匙

嫌棄比華利山

劉德華愛買磚頭保值，對加多利山尤其鍾情，物業遍布整個山頭。以往，他慣以胞弟劉德盛及父親劉禮的名義持有物業，但近年劉華逐步將財產轉移到太太朱麗倩名下，其中包括劉父入住多年的千五呎加多利山住所。

「劉爸爸一直知道個仔將批物業轉晒朱麗倩同女家親戚個名，佢從來唔出聲亦唔會要求有樓揸手，佢老人家冇要求，見到粒孫女就心甜。不過近期劉爸爸班『老友記』搬咗入去大尾篤，佢覺得嗰度空氣好好、風景又靚，所以同個仔講，想同老婆搬入去養老，最多第時大埔、加多利山兩邊住，繼續幫手湊孫女。劉華見老豆開到口，決定買間屋氹老人家開心。」知情人說。

劉華出名要求高，買樓亦唔例外，附帶的要求，亦考起地產經紀。

「劉華搵親信出面睇樓，最初睇大埔比華利山嘅獨立屋，雖然有無敵海景，但劉華唔鍾意，一來陳豪、謝安琪成班藝人都住喺度，二來私隱度未合佢要求。因為劉華希望間屋嘅位置比較隱蔽，外面最好有圍牆同高樹，唔可以太開揚，怕俾人偷拍，地產話佢要求高，近期放盤唔算多，要慢慢幫佢搵。」知情人說。

日前劉華父母飲早茶時，本刊向劉父求證搬去大埔養老一事，他並沒否認，只推說：「我唔知呀！」

由於父親喜歡大埔空氣清新，劉華正為他物色私隱度高的海景獨立屋，其中在大尾篤的聚豪天下都有類似單位。

劉華父母仍居於千五呎的加多利山舊居，跟兒子的大屋只有一街之隔。

劉華花兩億為妻女購入的加多利山相連獨立屋，地方十分寬敞，但只供他們一家三口居住。

劉華向來重視父母，差不多每年都帶他們出席歌迷會聚會，同時公開為父親慶祝生日。

為了尊重劉華，近年兩老對親友都好口密，絕口不提孫女。

朱麗倩出入都有保鑣護駕，更執掌劉華的財政大權。

多間安全屋

劉華對父親的養老屋同樣高要求，無非想作兩手準備，希望單位隨時用作妻女的安全屋。眼見寶貝女劉向蕙已經兩歲，將步入入學年齡，一直希望囡囡留港升讀本地學校的他，只想小朋友跟普通人一樣過正常生活。

「劉華覺得如非必要，都唔想送走個女，除非將來有太多人追訪阻礙到佢讀書，先再諗辦法，所以佢預備多幾間安全屋，就係想聲東擊西避傳媒。」

劉華為保護囡囡，買間屋都要諗過度過，就連照顧小朋友的日常生活，劉華一度拒絕假手於人，最後被劉爸爸教訓。

「朱麗倩專登搵返自己幾個舊印傭嚟香港幫佢湊女，其實全部都係自己人，但劉華一樣唔放心，初時日日自己湊，老人家後來睇唔過眼，叫劉華唔好咁緊張，佢先肯放手。」知情人說。

雖然獨立屋未到手，但劉父心情一樣靚，日前在保鑣護送下，同老婆歎早茶，兩老全程有講有笑，記者上前向他求證在大尾篤買養老屋一事時，劉父並無直接否認：「我唔知呀！」非常口密。

劉華對朱麗倩愛錫有加，之前便特別陪愛妻去中環睇醫生。

劉華向歌迷透露，寶貝女樣子似足朱麗倩，更謂希望女兒在本地學校讀書。

劉華早前在內地趕拍新片《失孤》，其間因為太掛念女兒，經常請假返港。

做了多年劉華背後的女人，朱麗倩總算守得雲開。

朱麗倩揸大鎖匙

在港至少擁有 20個物業的劉華，由 04年開始逐漸將資產轉移到一間名為 Capital Development Limited的海外公司旗下，當中包括原本由劉父持有的兩個加多利山物業，有指該公司的大股東正是劉太朱麗倩。

除了香港，劉華在大馬亦買落唔少磚頭，全由朱麗倩負責管理，而在大馬蕉拉區購入的千萬獨立屋，以及 3,000萬購入的安邦區超級豪宅，則送給朱麗倩家人。