【肥媽撐祖名】祖名做錯事 甄妮狂踩 肥媽勞氣：夠唔夠膽包你個女冇做錯嘢？
2014-08-24 23:51:00
肥媽再與甄妮隔空過招。
肥媽(Maria Cordero)噚晚喺尖沙嘴，出席仁愛堂「童心煮力為仁愛」小廚神烹飪比賽慈善晚宴。
講到近日甄妮喺facebook同向太陳嵐隔空互片，上次肥媽護G.E.M.（鄧紫棋）而與甄妮對罵，今次就因為房祖名而再掀起罵戰。
肥媽話：「有時大家都係做父母，你夠唔夠膽包你個女完全冇做過錯呢嘢？冇人夠膽講，我哋細個經過錯，我哋錯唔係吸毒啲乜嘢。但每個細路，大家識得朋友，見到其他人哋細路有事，大家都心痛。」
問到係咪應該予以扶持？肥媽話：「係喇﹗一個人好坦白，賭仔回頭金不換，如果個個好似你哋咁，一出事就去踩人嘅，人哋點會好呢？當時話阿G.E.M.冇禮貌，你睇人哋0依家咪幾好，我哋做老人家嘅，只有扶持、等待、原諒、耐心畀機會，呢個係我哋做前輩責任，大家睇法或者唔同，甄妮小姐睇法或者同我唔一樣，好似同佢拗咁，當時佢踩阿G.E.M.，但係阿G.E.M.見到我好鬼有禮貌0架喎﹗呢個又係事實，我又冇講大話，祖名喺美國好細個就識，佢自己好遠行嚟叫auntie，佢係一個好有禮貌嘅人。」
肥媽撐祖名係一個有禮貌嘅人。（攝影：黃曉妍）
|
鍾意就快D Share啦！
|
|
|