[FACE 376] 無謂再講 激吻李思捷 不解釋 萬綺雯：唔會改變我嘅生活 思捷,萬綺雯,李思捷,MF,

睇番蚊蚊呢半年嘅微博，佢真係喪 post同李思捷嘅合照，加上發生埋雨中漫步事件，蚊蚊似乎都要避忌吓喇。網上圖片

真面目

無謂再講　激吻李思捷　不解釋　萬綺雯：唔會改變我嘅生活

萬綺雯同李思捷真係大攬都扯唔埋，新鮮熱辣被爆雨中漫步、又搭膊頭又疑似激咀，萬綺雯只淡淡回應：「我唔想多解釋，在場朋友知道咩事，呢啲手法呢行成日做。」

43歲美魔女萬綺雯一向我行我素，週一她回覆本刊時強調：「唔會因為咁而改變我嘅生活。」反而老公陳十三連日來都冇出聲，而佢同老婆嘅共用微博，陳十三已有大半年冇出現過，但蚊蚊就喪 post同李思捷合照，又係好古怪嘅。

新劇就快播，令人懷疑「雨中激吻」係唔係宣傳玩人橋，呢招李思捷經常用。

兩公婆上一次合照，已經係上年 11月，又真係隔咗好耐。網上圖片

今年 8月 2日，蚊蚊微博 post「七夕快樂」，不過冇講明同老公講喎！

唔拍劇好哋哋，一復出即出事。 43歲萬綺雯轉投大台後，以美魔女之名迎來事業第二春，同時亦惹上疑似感情第二春。

春卷︰唔需要同我解釋

問春卷有冇叫李思捷避忌一吓，她說：「避忌？避忌吓咪仲有嫌疑。」網上圖片

新劇《牛頭愛搭馬嘴》拍完半年，與劇中對手李思捷的「感情戲」亦同時在現實中上演半年。又會咁啱，蚊蚊結婚 14年，同老公陳十三不時喺微博晒恩愛，半年前拍完劇，兩公婆去完馬爾代夫渡假就冇再 post合照。

14年婚姻感情轉淡？劇集宣傳？本刊週一致電蚊蚊，她以短訊回覆，「我唔會為咗呢啲虛假報導，而改變我嘅生活。」而事件男主角李思捷在截稿前未有回電；女友春卷就喺事發第 2日，被影到同紋身男選購床上用品，係唔係報復先？春卷對本刊說︰「嗰個係朋友！（李思捷有冇同你解釋過？）佢唔需要同我解釋，我哋都係朋友。」係唔係夾緊口供就不得而知，不過可以肯定嘅係，出街拖春卷、出埠攬杏兒、遇上風雨交加嘅夜晚就為人妻蚊蚊遮風擋雨……話李思捷唔係食女王？傻的嗎？

鍾意就快D Share啦！

下一篇 》