[忽然1周 998] 巨 B出閘 MW,

7.5磅

蔡加讚同汪圓圓發放囡囡照片，熟睡嘅 B女皮膚白裏透紅，鼻頭有肉，下巴尖尖，十足「小圓圓」， cute爆。

媽咪姐

巨 B出閘

近期喜事浪接浪，英國皇室成員劍橋公爵夫人凱蒂宣布懷有第二胎。香港社交界就有玩具大王蔡志明新抱汪圓圓順利產女，而長腳蟹呂慧儀亦生咗巨型囝囝。兩個 B同樣喺中秋節曝光，分別有 7.5、 8.8磅，分量十足。幾時都話媽媽真係超級偉大。

其他影片：>>囡囡似足汪圓圓　蔡加讚冧爆笑唔停
>>全宇宙最好姐夫　甄子丹請定假睇圓圓

汪圓圓豪門小公主

甄子丹姨仔汪圓圓，上年尾嫁俾玩具大王蔡志明孻仔蔡加讚。後生仔女做嘢有效率，連生仔都特別爽手，佢哋結婚未夠一年已經榮升父母。上周六（ 6日），圓圓喺沙田仁安醫院生咗 7磅幾 B女，兩親家總動員出動。據知圓圓老爺一早為佢 book定醫院嘅六星級超豪華產房，未計分娩費、醫療費、雜費，淨係間房都要成 5萬蚊一晚，真係錫到圓圓燶！

周三（ 10日），圓圓已經精神奕奕出院，後生女果然唔同啲。

7月嗰陣，汪圓圓出關同奶奶掃 BB衫，當時佗住 8個月嘅佢，巨肚已經有成 42吋。

新手爸爸蔡加讚提到囡囡冧到不得了。

汪圓圓生 B當日，兩親家一早到醫院。原本身在外地拍戲嘅甄子丹（左），更專登請假返港。

豪派 agnès b.月餅

周一（ 8日），中秋節當日，蔡太李惠莉安排工作人員點算在場人數，向傳媒派發熊仔頭月餅。真係有心。

呂慧儀重磅蟹籽

除咗汪圓圓夠晒補生個巨 B，長腳蟹呂慧儀亦有個重磅囝囝。冇見一排嘅佢，原來喺上個月 14號已經順利生咗個仔，「珍寶蟹籽」仲重成 8.8磅。難怪長腳蟹喺微博公開囝囝相嗰陣，都話自己要臥牀休息大半個月。囝囝巨型成咁都係順產生，媽咪姐要俾 10個叻你呀！

呂慧儀臨生前 1個月，喺微博上載大肚相，巨肚有 44吋，上圍升級唔少，鬼咁性感。

8.8磅

巨 B英文名叫 Anton，面仔好好肉，下巴兜兜，老竇黃文迪話佢一日食成 6至 8餐人奶。

鍾意就快D Share啦！

下一篇 》