全城熱爆的娛樂八封新聞 & 時事趣聞 & 生活 + 趣聞
身在英國嘅「 Cool魔」，扮鬼扮馬賀中秋。
係人都知靚靚袁詠儀平時最鍾意同 Chilam張智霖玩孖公仔，不過阿老公 8月尾飛咗去英國拍《衝上雲霄》電影版，搞到 9月 4日生日嘅靚靚，連中秋節都要自己搵節目。好彩佢朋友多，由生日到中秋每日都有節目。
媽咪姐仲撞到佢同圈外嘅朋友去中環 high tea，食足幾個鐘，不斷講講講，難得朋友抽時間聽佢發牢騷。最後靚靚都好識做爭住俾錢，仲好豪爽咁喺銀包另外攞張「紅衫魚」嚟俾 tips，有個搵 1億嘅老公確係唔同啲嘅。
靚靚不愧為金像影后，同 friend食個 tea都表情多多，講到好肉緊呀！
豪得精明 靚靚先攞張 AE卡找數兼儲飛行里數，再私人醒 100蚊 tips，精明得嚟，又夠豪！
生日多節目 靚靚生日節目第 1擊係去放生，第 2擊呢？去同班 friend食大餐。嘩！塊花膠大過佢塊面喎。
食完呢，再同（左起）黃佩霞、周麗淇、伍詠薇同蔡一智夫婦做 Yoga。 Yo，運動完，又可以再食
