全城熱爆的娛樂八封新聞 & 時事趣聞 & 生活 + 趣聞
Mandy同洗米華未斬纜，今個月初去紐約 6日陪男方公幹。呢段關係未到最後，都未知輸贏。
Mandy Lieu、太陽娛樂老細周焯華（洗米華）同太太陳慧玲呢段三角關係，最近又有新發展， Mandy同人夫開心同遊紐約，挑機味濃。正印陳慧玲 facebook發功，得閒就放吓一家人生活相，晒溫馨宣示主權。講開周太，媽咪姐聽聞因為老公洗米華成日喺香港陪 Mandy Lieu，佢惟有去銀河度假城入面間高級私人會所「紅伶」食飯飲嘢解悶，坐到半夜都唔願走。唉，佢同 Mandy呢場爭仔戲，真係唔知幾時完咯。
早前，洗米華同太太陳慧玲為女兒慶祝生日，前妻生嘅仔（右）都有嚟。第二日，佢就同 Mandy Lieu飛紐約公幹。
老公周圍飛，陳慧玲就成日去「紅伶」打躉，消磨時間。呢個場，淨係裝修都幾千萬，豪！
