上周二（ 2日），阿 Bob返公司開會一粒鐘。離開時，佢皺晒眉一路行一路聽電話。阿 Bob你女細老婆嫩，小心過馬路呀。
娛樂喧
黐澳門賭場猛人 阿 Bob開廣告製作公司
百足咁多爪的阿 Bob（林盛斌），拍劇、電台、司儀都做勻，年賺二千萬。近日他更殺入廣告界，投資百萬開公司。
阿 Bob的廣告製作公司「棋人」近日已正式運作，其在觀塘商廈頂樓的二千多呎辦公室，已要月租六萬，皆因阿 Bob新公司的拍檔，是藝人小肥經理人鍾楚霖（小霖）。據知小霖有澳門賭場背景，有大水喉射住，難怪阿 Bob信心十足：「希望做到 4A規模」
阿 Bob是家中唯一經濟支柱，加上第三名女兒剛剛出世，負擔愈見沉重。即將要供第四層樓的他，終日為口奔馳。「佢有時都會同朋友呻好攰，我哋都勸佢接少啲工作。佢試過一星期有五日過澳門做嘢，又試過喺香港一日踩三場 show，唔怪得前排捱出病！」他的身邊人說。
為了爭取時間陪家人，阿 Bob於是把心一橫轉營做老闆。去年尾他投資百萬，與小肥經理人鍾楚霖（小霖）合組廣告製作公司「棋人」。小霖在澳門娛樂界吃得開，得到不少賭場猛人欣賞，他和阿 Bob私交甚篤，早在阿 Bob做新城 sales時已經認識。在小霖拉攏之下，同是來自澳門的「太陽娛樂」高層唐才智亦有入股「棋人」，更是最大股東。
由於小霖是「澳滌娛樂」老闆，透過小霖的關係，「澳滌娛樂」與「棋人」成為子母公司。阿 Bob睇準「澳滌娛樂」旗下有狄易達、 Rainky等多名藝人，加埋他自己的人脈，以及唐才智麾下有 Janice Man等多名紅星，令「棋人」能夠提供藝人及製作廣告一條龍服務。
避談公司背景
上周二（ 2日）下午一點左右，阿 Bob離開新城電台後，獨自駕車返觀塘「棋人」寫字樓。他接受訪問，大方承認做老闆，但對公司有澳門賭場背景就頗為避忌。
記：你開公司喎！
林： OK喇，我間公司主要做廣告及登台騷製作。
記：公司有澳門資金支持？
林：拍檔背後有間公司，佢哋喺香港成立公司時，就搵我合作。
記：你拍檔小霖有澳門賭場背景？
林：佢自己有生意同澳門嘅財團合作，但嗰啲就唔關我事。
記：想將公司做到 4A規模？
林：希望喇，都係為自己日後鋪定路，因為想有自己公司，係一個心願。
雖然新公司正式營運只有兩個月，但因為阿 Bob和不少廣告客戶關係良好，已有大客開 account，據悉港鐵便是其一。
拍檔認賭場背景
至於「澳滌娛樂」上月 25日舉行開幕活動，現場除有旗下藝人出席外，澳門不少官員及商家也有派代表出席。
當日記者詢問阿 Bob拍檔小霖，他也承認自己背後有賭場資金。他笑說：「你都知我嚟自賭城。我想喺香港開分公司，要搵地頭蟲幫手。我睇好阿 Bob，佢係全能搞笑藝人，係下一個曾志偉。」
有賭場資金呢條大水喉，難怪阿 Bob對前景咁有信心，仲話要以 4A為目標
|
鍾意就快D Share啦！
|
|
|
