熱爆娛樂: [忽然1周 999] 美人魚臨時改制 4變 7　星爺𥄫中松岡• Kabby 松岡,周星馳,星爺,許雅婷,Kabby,美人魚,MW,

2014年9月19日星期五

[忽然1周 999] 美人魚臨時改制 4變 7　星爺𥄫中松岡• Kabby 松岡,周星馳,星爺,許雅婷,Kabby,美人魚,MW,

滾熱辣

美人魚臨時改制 4變 7　星爺𥄫中松岡• Kabby

周星馳近日被向太等人連番炮轟，每日被人「數星星」，但他依然懶理，周一（ 15日）更現身深圳華僑城，為新片《美人魚》角色甄選大賽揀女。他眼見參賽者表現理想，還臨時在後台與一眾評委商量，把原定選出四強改為最後七位。

賽前靠騎呢成為大熱的 36E「寸嘴 Barbie」夏尉喻，縱使出場以 rap自我介紹，兼向三位評委送飛吻，但據知星爺反而𥄫中擁有模特兒身材的日本妹松岡李那和貌似栢芝的 Kabby許雅婷，私底下更向工作人員透露，要預她們二人一個好角色。泊到星爺碼頭，自然有運行。

其他影片：>>臨時改制入圍 4變 7　星爺欽點松岡 Kabby做美人魚
>>《美人魚》決賽鬥騎呢　啱晒「海象」 Barbie
>>騎呢 Barbie掹車邊　孖 Kabby松岡入圍做美人魚
>>現身為新戲揀美人魚　星爺無視向太言論攻擊

可愛人魚

只有 19歲的 Kabby（許雅婷），除了樣子似張栢芝外，身材亦屬有料之人。今次有幸入圍做「星女郎」，她坦言可以近距離見到偶像很開心，希望可以在戲中有好發揮。

近日網上一篇文章「為什麼這麼多人黑周星馳？」公然指控向華強有黑道背景，向太陳嵐因此炮轟周星馳，並發最後通牒限他 10日內現身澄清。事發後第 8天正是星爺《美人魚》甄選總決賽，當晚亦是他今次事件後首次現身。

日本妹夠噱頭

星爺今次無懼「數星星」風波，亦要堅持現身比賽，但僅僅出現十五分鐘便離場，全程不接受任何採訪，甚為避忌。據知情人士表示，「呢排咁多是非，星爺最初唔想蒲頭，免得俾人講。不過之後佢諗話晒選星女郎，自己都唔到有啲唔應該，所以佢到最後一刻先坐中港車上深圳。」當星爺去到後台，對 Kabby許雅婷和松岡李那甚有好感。知情者續說：「佢一睇見 Kabby，就話佢好似剛出道嘅栢芝，仲要比栢芝更可愛。又覺得日本妹松岡李那啲國語同廣東話都麻麻，但勝在有噱頭，日本妹返大陸拍戲喎。松岡身材比例好，星爺話喺比賽台上扮美人魚扮得最好睇就係佢，覺得佢哋一定彈起！」

搶眼人魚

笑容燦爛的松岡李那，不論樣貌及身材都備受好評，着住三點式出場雖然沒有波濤洶湧，但勝在夠平均。加上穿上魚尾的姿態是眾參賽者中最神似最好睇，怪不得被星爺睇中。

賊 look現身 15分鐘

戴上賊仔帽配風褸的星爺，一到比賽現場後，一直匿在後台，到頒獎時才突然現身，在台上表現從容，似乎未被是非影響。

後台加碼

星爺（右二）在後台重看眾參賽者資料後，並即時加碼改制令入圍人數由 4名增至 7名。她們全都有機會在新片《美人魚》擔任其中一角，據知電影本月底在深圳開拍。

Barbie

奪獎入圍

原本當晚賽制勝出者只有四名，但據知星爺認為不少參賽者都好有潛質，最後在後台決定臨時改制，不單增加兩名入圍名額，更加設特別獎「大膽才藝獎」，最後由騎呢大膽見稱的 Barbie順利奪獎。該片執行導演錢國偉對本刊承認：「當晚星爺係喺後台至臨時決定入圍人數，最後除咗六個入圍之外，攞獎嘅 Barbie都可以入圍，所以係六加一。」

其實十三位參賽者現場為博三位評審和星爺注意，拋胸奇招盡出，其中國內的參賽者不惜露 bra露「缽仔糕」，幸好有香港代表 Barbie夏尉喻勁晒 36E巨胸「瞓身」搶分； Kabby的甜美樣子加三吋事業線贏盡歡呼聲；而松岡李那以半鹹淡國語說：「我是日本人！」即時迷倒不少觀眾；至於魔鬼胸 Rainky（蔚雨芯），邊行邊震胸出場確實吸睛，但在水中潛泳環節卻表現稍遜，最終未能入圍。事後 Rainky向本刊透露，錢國偉向她表示仍會預一個角色給她，「今次比賽係冇獎攞。不過，星爺喺後台同我握手，仲同我講：『辛苦晒』，錢國偉亦話之後會搵我拍戲，我信㗎！」

騎呢人魚

為了博出位，「寸嘴 Barbie」夏尉喻的確可以去到好盡。穿上三點式的她，超少布令 36E上圍激凸，更不時對評審搔首弄姿，就算跌落地都要夾出 6吋事業線，大家頂得住嘛？

完場極速閃人

而整晚最矚目的，當然是近日是非纏身的星爺。他在晚上 10時許，才出場為入圍者頒獎，引來全場歡呼，台下大喊「星爺我愛你，星爺我們支持你」。由頒獎到影大合照，他不時面露 chok樣，似乎心情不俗。當他離開時被觀眾重重包圍，短短路程舉步維艱。有記者趁機問到向太要他在限期前道歉，他充耳不聞，接過粉絲禮物便進入電梯匆匆離開。就星爺𥄫中松岡和 Kabby，錢國偉代為回應：「星爺都冇話特別睇好邊個，不過佢睇完 Kabby啲片，就哈哈大笑好開心，又覺得松岡講國語好得意，就好似金剛講廣東話咁。」似乎星爺對二人特別有好感。